麥家琪上周成功追了小龍女，宣佈收工。

龍年 BB陸續出世，嫁了大律師後、專心相夫教子的麥家琪，上周無痛分娩誕下女兒，改名以晴，全家開心歡迎小公主加入。麥家琪結婚六年生三個，平均兩年一名，非常切合香港政府呼籲，她昨日接受訪問時，宣佈肚皮收工。

參選港姐晉身娛樂圈的前女星麥家琪，06年下嫁大律師王國豪，之後淡出幕前，閒來行街購物，做少奶奶之餘更密密生。麥家琪婚後連生兩子，大仔 Johan今年四歲，細仔 Enoch就兩歲，有仔自然想追女，她去年終如願以償順利懷上第三胎，更成功陀女嬰。

麥家琪06年嫁給大律師王國豪後密密生，大仔 Johan（後）今年已四歲。資料圖片

麥家琪六年生三個，次子 Enoch前年出世。
《忽然1周》圖片

囡囡和麥家琪一樣，眼大鼻大，餅印十足。

餅印十足

上星期四麥家琪作動，順產誕下小龍女，母女平安，前日兩母女已出院返家。麥家琪的 BB女樣子精靈，五官精緻，鼻高高、眼仔大大，似足媽咪麥家琪。麥家琪昨日接受電話訪問，宣佈收工：「今次係最後一胎，以後就收工唔再生。」
麥家琪本來想開刀，但接生醫生很嚴謹，也不贊成開刀，她說：「醫生好嚴，連超聲波相都只係准影兩張咁大把。除咗第一胎自然分娩之外，之後嗰兩胎都係用無痛分娩。頭一胎好想感受吓生細路嗰種痛苦，試過先知真係有幾痛。」

不停錫錫

麥家琪表示囡囡會跟兩個阿哥用「以」字排名，改名以晴，留在家中坐月的她，表示全家都為新成員加入感到非常高興，而且最開心居然是兩個兒子，她說：「大仔好興奮成日錫個妹，細仔就仲細，不過見佢都好好奇同開心。囡囡應該有條件做公主，因為有兩個哥哥照顧佢。」
撰文：唐如