有人個胸位開到好低！真實對白
雖然高海寧自稱努力轉型，但週日（ 22日），高海寧出席活動時，仍例牌短裙低胸出場，都唔覺有乜改變，後來本刊想問她回應，高 Ling亦推說趕時間要走人。

有口話人

志偉 P結怨　高海寧唱神獸 cheap

無綫咪神高海寧自 08年參選港姐後，一直靠 34E爆滿上圍食糊，更成為近年無綫的性感 icon，不過 TVB年年有新女出，最近《五覺大戰》一班神獸天使件件都搏到盡，咪神都咪話唔擔心地位不保！
上週日（ 17日）於最後一集《三個女人一個墟》中，高海寧忽然自爆話有人為求上位，不惜喺私人派對中，拉低心口露身材以求上位，查實高 Ling所指是 4月舉行的曾志偉生日派對。據知當晚場內個個玩得癲，一樣有份着校服陪飲的高 Ling卻嫌神獸妹熱情爛玩，而被高寧矛頭直指的神獸妹白雲亦不屑回應話：「我都見佢唔到！」

34E咪神高海寧（高 Ling），自選美出道以後不嬲搏盡性感，今年忽然打算殺入書展出自傳，博轉型做才女想封胸，喺最後一集的《三個女人一個墟》中，更大爆出席一制服派對，有人將校服的胸口拉低，色誘派對中人搏上位。

神獸 1號　白雲

今年四月，白雲同其他神獸姊妹一齊去志偉生日 party，好好哋一件校服，白雲姐竟然背脊開個窿，條裙更短到見到 pat邊，加上當晚白雲成晚黐住曾志偉隊酒，難怪高寧眼紅。

個個都玩得好癲！真實對白

神獸 2號　蔡慧欣

曾經喺《五覺大戰》拋胸飄移嘅蔡慧欣，與志偉合照一樣好熱情，條校服裙僅僅遮到 pat pat，蔡慧欣說：「高 Ling佢有自己一套準則嘅，不過我有打底喎，我都冇留意佢！」

佢點講控制唔到！真實對白

劈到爛醉

曾志偉生日例牌飲醉，雖然今年劉嘉玲等老死話咗戒夜蒲早走，不過咁多小花兼神獸妹陪酒，劈至凌晨三點一樣要抬住走。

表面密實

高 Ling當晚都有去曾志偉生日，雖然刻意喺外面加件披，但原來入面亦一樣短裙校服仔，性感程度一啲都唔輸蝕，佢係醒在識得做表面工夫囉！

眼紅被搶風頭

據有份參與當晚派對的知情者指，高 Ling其實是暗寸一班神獸天使，知情者話：「其實志偉 party嗰晚，高 Ling條校裙都好短，不過就唔夠班天使妹咁 hot囉，班女仔成 6、 7個人，個個又玩得，又肯挨埋身又肯坐大髀，啲仔個個圍住佢哋玩，尤其係志偉更追住佢哋劈酒，高 Ling梗係冇癮啦，其實嗰晚個個都玩得癲，唔明高 Ling點解要扮高貴話人囉！」

硬撼沈卓盈

同場仲有個沈卓盈又係谷到盡出場，如果高海寧唔係露兩手，應該連見報嘅機會都冇。

天使互藐

上週五（ 22日） 8位神獸天使胸降旺角宣傳，當中 32D的蔡慧欣件衫迫爆倒奶身材搶盡鏡，搞到平日波濤洶湧的 35E白雲，都忍唔住明藐佢。

「想着靚啲啫」

被同類人喺電視公開寸爆，當然惹起一班神獸妹不悅。當中最搏的白雲更說：「唔算好性感啫，我哋班女仔後生（白雲 24歲細高 Ling 2年），有樣有身材，都係想着靚啲啫，（高 Ling都玩得好癲喎？）其實嗰晚個個都玩得好癲，我都見佢唔到，冇留意過佢喎！」
而另一神獸妹、曾跟羅仲謙傳緋聞的蔡慧欣亦說：「佢（高 Ling）又冇講名，都唔知佢話邊個，我套衫同媽咪買，都唔性感得去邊，我有打底又冇走光，佢有佢自己一套準則，佢點講都控制唔到，入面咁多人點得閒理其他人吖！」大家都係靠胸搵食，高 Ling唔使抬高自己踩低人嘅！

《三個女人》揞名爆

高海寧喺最後一集《三個女人一個墟》中爆有人靠性感上位，期間仲要狀甚驚訝，唔知以為佢真係玉女。

高：高海寧　呂：呂慧儀　蒙：蒙嘉慧
高：我去過一個 party，係制服派對。
呂：你係咪去生日會？
高：係呀！
呂：我都有去！
高：我都見到你喺度，你哋有冇睇見其中有人好過分㗎，佢可以將套校服個胸位開到好低。

你都着得性感！真實對白
我都有去！