 今年 4月馬神同太太遊船河，馬神三角泳褲激凸 look，馬太激讚，仲將相片上載微博，更大讚老公回復 G4時的身形。 小炒怡情財政獨立 馬德鐘老婆秘炒千萬樓自陳嘉桓狼吻事件後，馬德鐘老婆張筱蘭幾乎日夜 mark實老公，除陪老公上節目做騷，連北上拍劇都黐住。 主力投資43歲馬神搵到食，可惜要經常北上面對大量內地野花，加上底子花，博士老婆張筱蘭當然要實，自陳嘉桓事件後，馬太變身跟得夫人，幾乎全天候跟實老公。本月中亦到上海探老公班兼夜遊，更 喺微博晒幸福趕絕北妹。馬太黐到實，不過炒樓卻無預老公，上年 9月馬太與一女性友人以 1,400萬買入屯門榮華花園，現已升值至 1,600萬。  炒 1,600萬獨立屋 馬太同朋友以海洋集團有限公司名義，上年以 1,400萬買入屯門榮華花園，現升值至 1,600萬，賬面賺 200萬。  自住 1,200呎豪宅 馬德鐘一家現居於西貢寶珊苑 1,200呎單位， 04年二人以海雄有限公司名義 410萬買入，該公司馬德鐘佔 9,999份，馬太佔 1份，現升值到 980萬。 現時馬氏一家三口居於西貢寶珊苑，雖然新買的屯門榮華花園冇自己名，但老婆識理財，馬德鐘便可專心拍劇。上週三（ 20日）趁有空檔回港亦陪實 14歲兒子馬在驤，難得馬仔亦遺傳馬神模特兒 6呎 2吋高大身形，不過馬神就表示未想兒子入行。上週六（ 23日）出席《飛虎》宣傳時表示：「個仔仲細呀，我想佢起碼讀完大學先諗，其實我呢行都好辛苦㗎。（你老婆同朋友上年買 咗榮華花園喎！）係咩?唔知喎，投資 啲 嘢，我老婆搞啦！我就專心拍劇囉。」財政獨立，夫妻分工清楚，馬神要多啲返屋企啦！  馬太張筱蘭 90年代係 model， 03年為科技大學哲學教授，現為「香港大學」名譽助理教授。以博士銜頭出席學術活動。  北上密做 馬德鐘因拍《爭霸》做越王勾踐，上年至今連拍 7套大陸劇，現正忙拍大陸劇《那金花和她的女婿》，之後亦會接拍另一套時裝劇，到 10月先有空檔回港。 馬仔黑帶二段馬德鐘 G4出身，馬太張筱蘭為大學教授。兒子馬在驤亦有番咁上下， 14歲 嘅佢現就讀德瑞國際學校，生得身材高大，同身高 6呎 2吋 嘅馬德鐘只差半個頭。而且馬仔唔只運動叻，跆拳道黑帶二段，今年 2月仲去大會堂表演小提琴，文武雙全喎！  馬仔兒時仲係肥仔一名，黐到老豆實一實。《蘋果日報》圖片  上週三（ 20日）馬神車馬仔到新都城麥記買包，仲換 咗隻奧運紀念杯添！馬仔身形似足老豆，個樣則似媽咪，真係文武雙全。  馬仔運動細胞好強， 喺微博上載自己游蝶式，同埋跆拳道黑帶二段 嘅相，運動細胞似足做 G4的老豆，過多兩年又可以學老豆溝死女啦！  《飛》劇等睇謙仔出浴《飛虎》以單元劇形式播映，除 咗連串爆破場面，最大賣點係出盡無 綫所有肌男，每集都有肌男爆肌，首集收視高開，下集（ 1日）更有睇頭，事關一眾飛虎隊員羅仲謙，王浩信，袁偉豪，翟威廉等都會出浴晒肌。唔知劉公子 喺獄中有冇得睇呢?  為拍《飛虎》，馬德鐘激減 20磅，不過晒肌機會少，反而大部分露肉鏡頭交晒畀羅仲謙、王浩信。  |
全站熱搜
留言列表
{{ article.title }}
