【今年失聲】
56歲的鄭丹瑞，今年4月突然失聲，開始戒口的他清減不少。雖然他有口難言，但提起為了失聲而照磁力共振時，反應十分激動。

「嗰個落雨嘅晚上，嗰條濕滑嘅公路，嗰個粗心大意嘅司機……」89年的〈留給最愛的說話〉即使今日翻聽依然經典。負責旁白的鄭丹瑞（阿旦），憑靚聲撈足幾十年，早前更與林珊珊殺入紅館開騷。世事難料，阿旦上月初突然失聲，至今兩個月依然未見起色，遍尋各方名醫也治療無效。藥石無靈，為了保護聲帶，惟有聽取醫生指示，禁止說話，被迫做啞佬。記者透過SMS約阿旦上周六（28日）見面，他帶埋畫簿傍身，準備以書寫方法接受記者訪問。靠聲搵食的他面臨人生最大打擊，字裏行間更透露懷疑自己身患絕症。「擔心……我驚有大吉利是。」

 
突然清減了的鄭丹瑞（阿旦），跟記者和攝影師三人擠在銅鑼灣一間喧鬧的餐廳。他拿起墨水筆，將自己失聲的原委，在紙上和盤托出，無聲仿有聲。記者發問後，他便重點式以簡短的文字回應： 「踢波……興奮得滯！」
原來阿旦三月初到北京公幹已感到喉嚨經常乾涸， 當時他以為只是天氣乾燥問題。返港後，他如常踢波，射入龍門時更在球場上狂嗌。直至四月初，阿旦喉嚨痛的情況未有好轉，當時他還以為只屬小兒科：「對面街見到家姐…我嗌咗三聲……即刻！」自此之後再講不出聲。

 

醫學會會長：聲帶出事可大可小
阿旦突然失聲，曾擔心自己染上絕症。雖然後來並非如此，但亦要受啞口無言之苦。香港醫學會會長蔡堅醫生說：「呢種情況通常係急性聲帶發炎後處理不當，演變成慢性聲帶發炎，好好休息之後仍有機會好得番嘅。如果唔好好休息嘅話，唔俾自己休息，就有機會演變成持久性聲帶受損。反而聲帶有結構性受損例如聲帶生繭，就可做手術處理。阿旦去學語言治療都係一種令聲帶好番嘅方法。」

擔心患聲帶癌
當時阿旦還要為無綫主持節目《智強積金王》，他惟有打類固醇死頂開工，可惜把聲依然拆到無倫，最後要搵鄭裕玲頂替。在朋友介紹下，他搵了大約十幾個不同的醫生搶救，可惜徒勞無功。阿旦寫上「擔心」及幸好醫生證實他是聲帶勞損，「醫生吩咐……全面休息……起碼兩個月！」記者亦深深感受到他那份恐懼及無助，他一度擔心自己患上聲帶癌，於是瞞住今年已九十多歲的母親，靜雞雞去照磁力共振。「我照埋磁力共振……驚有大吉利是。」他立即推掉打後兩個月的發聲工作，希望聲帶可以復原。

接受語言治療
除了吃藥外，阿旦上月中開始到西營盤菲臘親王牙科醫院，接受為期兩個月的語言治療，「諷刺！咁叻講嘢，而家要重新學講嘢！」此時他終於發出微弱的「哼」聲。現時阿旦每星期見語言治療師一次， 第一堂是學讀數目字，調整發音時唇形和力度。禁聲期間，阿旦隨身攜帶一本大畫簿和多支墨水筆，方便日常生活運作，例如要「暖水」、「埋單」及「落單」等。「好彩屋企喺小巴總站附近，唔使叫落車。」雖然正值禁聲期，難得是阿旦那份堅強的信念及平常心。周日（4月29日）他便飛到北京為新戲開會，屆時會在白板上寫上自己的構思，「冇口……有腦……全部都不當打擊……十年前會好嬲，而家好平常心！個天叫你休息！」 條條大路通羅馬，阿旦在行內如此吃得開，與他豁達的人生觀不無關係。

主力開戲
曾由DJ升至電台總裁、拍過《小男人週記》等經典電影，做過不少大騷司儀的鄭丹瑞，至今依然非常活躍。現時鄭丹瑞主力從事電影監製和編劇工作， 近期作品有《分手說愛你》和《抱抱俏佳人》（圖）。之後他會為邵氏炮製新戲《曖昧關係不明研究學會》擔任監製，所以阿旦即使失聲也無礙他工作發展。

幫得手老死
阿旦要全面禁聲，部分不能推辭的工作，阿旦惟有臨時臨急搵老死幫手，幸好鄭裕玲和鄧梓峰義不容辭頂硬上，認真患難見真情。

嘟嘟被迫推job
現時逢周一至五在商台做節目的鄭裕玲（嘟嘟）臨危受命，代阿旦一口氣錄了五集無綫節目《智強積金王》，她說：「呢個節目要喺周四（4月19日）同周五（4月20日）連續兩日錄，19號就惟有推咗個時裝騷，20號就向商台請假囉！今次阿旦呢件事警惕我要保護聲帶，所以平日我都陰聲細氣咁護吓聲。」

鄧梓峰急赴澳門
鄧梓峰為了幫阿旦做替工，收到通知後翌日便出發到澳門做司儀，他說：「阿旦助手話佢失咗聲，臨急臨忙搵我，好彩我嗰兩日冇接show，如果唔係唔知點算好。我之前跟個意大利歌劇老師學養聲，由低音哦到高音，每次練二十分鐘左右就可以，學咗成年㗎！做司儀把聲真係好緊要。」 ####

 


鄭丹瑞不停在紙上寫上今次失聲對他的影響，其間記者不時聽到他發出「呀呀」聲，有口難言。


鄭丹瑞除了在畫簿上透露壓力是今次發病的主要成因外，更曾懷疑自己患上絕症，要照磁力共振（右圖）。不過阿旦天性樂觀，畫了一個膠布封嘴的人頭像勉勵自己。非常搞笑。


【去年11月靚聲】鄭丹瑞去年11月聯同林珊珊勾起大家集體回憶，在紅館開一場《三個小神仙吹唱會》，跟露雲娜和一眾嘉賓又吹又唱。當時阿旦talk足三粒鐘依然靚聲。


【舉牌叫餸】鄭丹瑞現時出外一定要帶紙筆，訪問當日（4月28日），他甫坐下便翻出預早寫下的「吞拿魚治、麥包不烘」的紙牌，向餐廳侍應落order。


【重新學呼吸】現正接受語言治療的鄭丹瑞，首堂便收到治療師派發的六冊「聲線治療」練習本，當中包括發聲原理（左圖），甚至連呼吸方法都分了三種，要阿旦重新學過。


【老婆煲藥】鄭丹瑞和太太盧維思結婚多年，依然十分恩愛，經常拍拖逛街。盧得悉鄭丹瑞聲帶出事後，每天也親自煲雞骨草和愛心湯水，幫老公潤喉。


【阿女返港】鄭丹瑞大女鄭瑤和細女鄭?分別在英、美留學，兩女得悉爹哋出事後，便立即放棄去旅行計劃，暑假返港探望爹哋。


我向商台請假！


臨急臨忙搵我！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄