無綫劇集《拳王》家陣熱播中，媽咪姐梗有追啦！鄭嘉穎、黃浩然輪流騷肌，真係睇少眼都走寶呀。不過劇入面飾演鄭嘉穎寶貝仔唐吉嗰個細路，好多師奶都讚佢好戲，原來「老吉」來頭都唔小㗎！


佢真名叫梁梓豪，今年8歲，呢兩年開始參演教育電視，早排仲接拍咗香港電台嘅《沒有牆的世界》同《賭海迷徒》，同盧海鵬、祝文君等都有對手戲，怪唔得咁熟口面啦。不過隨住「老吉」喺劇中要跟公公胡楓去加拿大，喺《拳王》再見唔到佢出場喇！好彩媽咪姐八到，無綫都知道「老吉」受歡迎，已邀請佢參演另一部電視劇，相信好快又可以見到呢個好戲細路嘞！ ####


我仲好戲過視帝㗎！（設計對白）「老吉」同鄭嘉穎最多對手戲，聽講拍嘅時候，鍾意黑面嘅嘉穎難得特別錫「老吉」，仲周不時買嘢俾佢食㖭。


唔少網友都覺得「老吉」做得好好，係難得一見嘅入屋童星。


喺香港電台嘅《沒有牆的世界》入面，「老吉」有一幕要抱住盧海鵬喊，確係做得幾感人㗎！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄