Joey，你唔恨得咁多嘞！（設計對白）喺呢個「中國慈善排行榜」上，楊受成亦得到「中國十大慈善家」大獎，老闆員工齊攞慈善獎，確係難得。

媽咪姐成日都話，善有善報，福有油雞。呀，唔係！係福有攸歸先啱！總之，呢個世界有因果，好似古巨基咁，近年不斷做慈善探訪，又捐錢幫助弱勢社群，繼早前獲頒「聯合國親善大使」榮銜後，上周五（27日）又去咗北京攞「中國十大慈善明星」大獎。


呢次基仔唔止有獎攞，仲率先試坐英皇集團主席楊受成嘅豪華私人飛機㖭！事關楊生得知基仔攞獎，立刻安排用落地無耐嘅私家機即日接送基仔往返香港同北京，等佢盡享快捷又方便嘅富豪級待遇！古巨基梗係笑晒口話：「楊生喺飛機上面仲教我投資，塞錢入我袋，好心真係有好報！」

飲得瞓得
依家啲私人飛機，設備舒適，座位似梳化唔在講，又有迷你酒吧。飲到high high哋，仲有高牀軟枕俾你瞓！基仔，你就嘆啦！ ####


楊受成呢隻豪華私人飛機啱啱落地，諗住用嚟招呼親朋好友，古巨基嘆完，都要同老闆喺飛機旁留影。梗係！一姐容祖兒都未坐過㗎。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄