我唔係好恰！（ 真實對白）薛家燕周二（1日）為無綫錄影節目《媽媽真的愛您》時，㷫爆宣布取消赴美開騷。

本周日（6日）原本準備在洛杉磯登台的薛家燕，本周二（1日）突然宣布取消行程，並呼籲當地已購票的觀眾盡快退票，免招損失。事出突然， 原來薛家燕和主辦單位簽約後一直收唔到訂金。臨出發前一星期， 薛家燕更發現主辦單位提供的機票無效，更未有為她辦工作證。她怒氣未消說：「我行走江湖咁多年，唔係浪得虛名，我唔係好恰㗎！」除家燕姐外，該主辦單位「夢媒體娛樂製作」還陸續邀請G.E.M.、朱咪咪等藝人開騷。大家小心呀！

 
薛家燕2月底，突然收到夢媒體娛樂製作（Dream Media Production）電話，邀請她周日（6日）於洛杉磯開騷。她說：「大陸嘅騷已經多到做唔晒，近年少咗去美加，已經有七年冇去洛杉磯嘞！嗰度好多華僑同fans話好掛住我，所以呢段時間我寧願推咗香港同大陸幾個騷去囉！」薛家燕3月初動筆簽約後，主辦單位便打鐵趁熱，公布售票詳情。

主辦商問攞天王電話
門票於3月中已賣出九成，不少好友紛紛致電恭賀薛家燕，但她現在驚多過喜，「根據合約，主辦單位應該喺簽約後俾訂金（酬勞三分之一）。佢哋話已經寄出支票，但我一直收唔到。」令薛家燕起疑，還有主辦單位不停問她攞劉德華、郭富城、官恩娜和孫耀威的電話，聲稱有興趣邀他們到美國開騷。「我嘅電話係李龍基俾主辦單位，所以我即時問番李龍基，原來佢亦係第一次同對方合作。為安全起見，我都係等自己做完睇吓點先，冇即時交其他藝人嘅聯絡電話出嚟，好彩咋！」直至4月中，薛家燕還未收到一分一毫，於是她向對方聲言若不付清訂金，便拒絕上機。對方才匆匆開出支票，叫她搵親屬到洛杉磯攞錢。「但洛杉磯收到嘅竟然係一張由紐約開出嘅支票，仲要等至少一個星期先知收唔收到錢！」4月30日，薛家燕透過當地律師行查核，證實這張支票無效，根本換唔到錢。「如果我以為收咗支票就有錢，咁上咗機就麻煩。」

辯稱毋須簽證
唔止拖數，薛家燕更遲遲未收到機票。原定本周五（4日）出發的薛家燕，上周才收到電郵確定出發和回程日期、時間，「原來只係航班時間表，唔係一張電子機票，完全冇我個名。」機票未搞掂，工作證又出問題。已有美國旅遊簽證的薛家燕，根據以往登台經驗，知道要申請工作簽證才能入境登台。不過今次主辦單位辯稱是次登台是慈善性質，所以毋須辦理工作證。薛家燕卻發現演唱會海報上，並未印上任何慈善團體的徽號。根據美國領事館的指引，凡以演藝事業為職業的工作人員，即使參與公益慈善表演，入境前也必須申辦工作證，可見當中有景轟。出發前已經搞到一鑊泡，難怪薛家燕怒火中燒，她說：「行走江湖咁多年，唔係浪得虛名，我唔係好恰㗎！」薛家燕與律師商討後，決定取消出發。不過周二（1日）早上，對方卻突然將整筆歌酬存入她戶口，令她莫名其妙，「依家啲錢凍結咗喺戶口，我會同律師商量點處理呢件事。」薛家燕已於當地時間周二（1日）晚，透過當地中文電台宣布取消赴美，但據知主辦商早前已派人去售票處攞晒錢，「好對唔住啲觀眾，希望買咗飛啲fans盡快去退票，減少損失。」

朱咪咪留意事態
今次出事的主辦單位，緊接於下月10日將會舉行朱咪咪和李龍基演唱會，因距離演出日期尚有一個月，二人還在觀察階段，未決定是否取消出發。朱咪咪說：「我一向規矩係上機前收齊錢、有效工作證同機票，三樣少一樣我都唔會上機，幾熟朋友都係假。今次收支票都有啲問題，依家都收到三分一歌酬㗎喇！」李龍基則說：「其實我都係同呢個主辦商第一次合作，唔知家燕姐咁大件事，我初時收訂都有啲阻滯，所以都會睇定啲！」本刊曾多次致電「夢媒體」的負責人Joan，但至截稿前其電話卻沒人接聽。

自稱打造真音樂
為薛家燕搞今次爛尾登台騷的主辦單位是夢媒體娛樂製作（Dream Media Production）。記者瀏覽過該公司的官方網頁http://www.dreammedia.us，發現網站主頁已將售票中的演唱會晒冷。夢媒體聲稱在紐約及洛杉磯成立，設有公司電話號碼和票務諮詢熱線，但官方網未有顯示辦公室地址。
網頁中，公司聲稱曾製作過不少亞洲歌手的演唱會，具有豐富的活動策劃經驗，更強調宗旨是「用心打造真音樂」。不過官方網只記錄去年12月舉辦的一場張信哲演唱會。（下圖）

騙招百出
藝人遭詐騙演出的個案多不勝數，欺騙方法層出不窮。 ####

 


薛家燕和仙杜拉一齊演出的《溫情母親節演唱會》，原定周日（6日）於洛杉磯聖蓋博大劇院舉行。薛家燕唔去，仙杜拉亦力撐說：「我都覺得有問題㗎喇！穩陣啲好啲！」


彈票鐵證薛家燕經過多番追數， 終在上月中收到一張主辦單位「Dream Media Production」發出的支票，訂金總額為$9,500美元。不過從美國銀行上月23日發出單據顯示，入帳的可用金額是零，即是過唔到數。


貴飛賣晒薛家燕「出事」演唱會，門票售價由$48元至$138美元不等，全場座位有1315個， 現時已賣出九成， 貴飛一律賣晒，收入約11萬2千美元（約港幣88萬）。


冇電子機票薛家燕和一名女助手，原定周五（4日）起行，但「夢媒體娛樂製作」 上月底才發電郵確定航班，不過電郵中只是該航班的基本資料， 並未附上有薛家燕和助手名字的電子機票。


臨時換場自稱開騷經驗豐富的「夢媒體」，近日於官方facebook發聲明，表示G.E.M.和蕭敬騰的演唱會因技術問題要改場地。演唱會月底舉行，但截至周三（2日），官方仍未有最新安排，難怪令不少已買票觀眾鼓譟。


希望搞得成。（ 真實對白）


台灣歌手蕭敬騰和鄧紫棋（G.E.M.）本月27日亦一齊到拉斯維加斯登台，演唱會亦由「夢媒體」主辦。至於今次登台有否被拖數，G.E.M.就不便透露，但她說：「希望搞得成。」


朱咪咪和李龍基下月10日才正式開騷，主辦單位早於3月份便開始售賣門票。


冇諗過咁大件事！據知「夢媒體」透過中間人攞到李龍基的電話，雙方傾合約時，對方就問李龍基攞薛家燕電話，因而搞出大頭佛， 他說：「我同呢間公司都係第一次合作， 冇諗過咁大件事。」《蘋果日報》圖片


收足錢先上機！ 70年代已在香港和新加坡登台的朱咪咪登台經驗豐富，她說每次登台傾合約也十分謹慎，「一定要有規有矩，幾熟嘅朋友都係假，收足錢先上機。」《蘋果日報》圖片


張敬軒、王菀之二人08年到東南亞登台，因主辦單位臨時加工作而發生爭執，其間王菀之被刀架頸，而張敬軒則被捉住心口，擾攘4小時，二人才逃出生天。


譚詠麟譚詠麟10年獲中間人邀請出席一個中央電視台節目，後來他發現演出變為另一商業活動，即時取消演出，並透過經理人退回訂金給中間人，不過中間人卻表示遲遲未收到錢。《蘋果日報》圖片

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄