115磅生完無耐，Kelly已經fit番晒，令唔少媽咪羨慕。

細仔「小龍包」劉琛才剛滿月，潮媽陳慧琳已火速收身，佗B前112磅，產後僅僅超重3磅，成為一眾大肚婆產後keep fit人辦。想長胎不長肉，Kelly大方公開懷孕飲食習慣，一日可食足四餐，但要揀選有機食物，魚湯和鮮奶每日必飲，均衡飲食加上產前產後都做瑜伽及上半身運動，收緊拜拜肉，要做靚媽，唔懶得。

大仔生性
擁有一對寶貝仔劉昇（蝦餃仔）和劉琛（小龍包），三十九歲陳慧琳已經同老公有共識，唔再追女。「唔追嘞！湊兩個已經好辛苦，順其自然啦！」Kelly說。第二次做媽咪，Kelly湊仔無須假手於人，幫小龍包沖涼、餵奶，全部一腳踢。「醫生話BB飲人奶會特別健康，我會餵兩個月，依家每日都要飲多啲魚湯谷奶；已經生第二個，同BB沖涼無乜難度，蝦餃仔好鍾意『裝』細佬沖涼，仲睇得好開心，當佢游緊水！」 BB要花多點時間照顧，Kelly話好在蝦餃仔生性無扭計。「蝦餃仔見到我抱住小龍包，會自己攞故事書嚟俾我講古仔，佢都好乖，成日錫細佬，暫時我湊唔到佢返學，要鍾珍（經理人）幫手，希望可以快啲陪到佢返學，好彩佢無扭計咋！」Kelly說。

富家人
圈中紅人愛將血汗錢換磚頭保值，但貴為天后的Kelly卻未有跟風，早年因為試過投資物業慘蝕，留下「樓蟹」陰影。相反，Kelly的父親、家姐及細佬卻擅於投資，手上持有的物業，市值近兩億。

加碼請外傭
之前蝦餃仔出世，Kelly家中有三個外傭幫手，家中再添新成員，Kelly決定加碼，多請兩個，五人湊B打理起居，萬無一失！食媽媽奶的小龍包，個多月大體重已經有九磅多，面珠肥嘟嘟，下巴和嘴仔似足媽咪。至於Kelly，亦展開產後keep fit大計。誕下六磅重的小龍包後，她體重只比佗B前輕微上升三磅，全靠均衡飲食，不致令母體過度吸收。「未生之前，其實唔使食太多補品，因為大肚補身，BB根本唔會吸收到，反而媽咪吸收晒，好多媽咪都係因為咁而暴肥！我係完全戒晒食甜嘢同煎炸嘢。」

花膠補身
要谷人奶又要瘦身，但Kelly未有刻意減量，平日最愛的雲耳蒸雞、蒸肉餅、豉椒蒸排骨，食齊！「依家每日一定飲魚湯，花膠湯同蟲草都會飲，花膠主要係等傷口埋得好啲！」產前產後一樣fit，Kelly聲稱是懷孕期間一直有做孕婦瑜伽，出院前亦請教了護士，在家每日做簡單收身運動。「其實傷口埋咗之後，係可以做運動，但盡量只做上半身動作，暫時唔好做下半身，我會做掌上壓，可以收拜拜肉，呢排仲開始跑番步！」Kelly說。

潮媽秘方
圈中唔少女星都有獨門方法，產後火速回復元氣，極速修身。

李嘉欣
去年初，李嘉欣為許晉亨誕下兒子Jayden Max，坐月期間，每朝早五時起床食五更早飯，餐單全部清淡走油，食蒸肉餅、烚菜、白飯、清湯，戒甜品。

謝安琪
06年，謝安琪未婚懷孕，07年誕下兒子張瞻，產後謝安琪聽從長輩意見，食足一百隻雞令身體盡快復元。 ####


Kelly湊小龍包同時，亦要錫住蝦餃仔，講古仔佢聽。


臨生前，Kelly還親自湊蝦餃仔返學，當時體重只上升了二十磅。


上月26日，經理人鍾珍親身到醫院接Kelly及小龍包出院。


細佬瞓咗覺的小龍包眼睛長長，手仔摸住肥嘟嘟的面珠，十分趣致，還有點像哥哥蝦餃仔。


家中有兩個寶貝仔，Kelly和老公大部分時間會留喺屋企家庭樂。


哥哥出世時，蝦餃仔已經勁似爹哋。


Kelly在家坐月，湊蝦餃仔返學放學重責，要交由老公Alex及鍾珍代勞。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄