17/4
台灣公園冇禁煙，小天同阿兵哥趁休息時間落公園叉電，見到記者影相先閃。

今年一月尾正式入伍當兵嘅阮經天，由於被編做「替代役」，工作範圍主力去吓老人院社區中心做義工，唔使日曬雨淋操兵練體能，他他條條又一day。


上個禮拜二（四月十七日），小天被派到新北市市政府做文書工作，趁休息時間同幾個阿兵哥一齊落公園煲煙，仲一支駁一支，直到見有記者，先返上樓繼續開工。
話咁快就做咗三個月阿兵哥，八珍聽講小天再捱多九個月，就會全力嚟香港發展，事關佢已經簽咗俾寰亞老闆林建岳。Model出身嘅小天一直效力台灣凱渥模特兒公司，不過年幾前已經冇約，直到去年接拍導演鈕承澤《Love•愛》，片中同佢有對手戲嘅舒淇，幫口又幫手，安排小天同林建岳見面，終於一拍即合。
今年三十歲嘅阮經天，其實仲可以拖多一兩年先服兵役，但傾約期間林建岳勸佢有兵趁早當，否則會打亂公司為佢安排嘅力捧大計。既然搵到大碼頭，又同自己偶像兼女神舒淇成為一家人，小天全速入伍，唔再拖！


聽新主林建岳勸早日當兵，舊年年尾小天同黃曉明、余文樂拍完《血滴子》，即刻返台灣等入伍，報到當日，過百傳媒响佢屋企樓下守候，護送佢去台中成功嶺報到。 ####


一直有傳舒淇好得小天，所以先肯接拍鈕承澤作品《Love•愛》，家陣仲幫手搭路做埋同事，將來兩個同鄉大把機會。


有小天補Edison個位，飲得杯落！（設計對白）
聽講林建岳俾小天嘅過檔費相當重手。


雖然已經同模特兒公司凱渥冇晒約，但小天都有出席舊公司今個農曆年嘅開工拜神儀式。


（台灣《蘋果日報》圖片）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄