兩位黃生爆樽要take two再嚟過，黃浩然小腿爆兩次終於成功，黃德斌最初爆頭，見唔得居然攞全身最好肉嘅籮柚代替，失禮。

無綫新劇《拳王》開播成績好，平均有29點，最高試過31點，有二百萬觀眾捧場。隔住電視熒光幕，無論主角定配角，胸肌腹肌二三頭肌，夠晒力量咁款！不過上星期四（十九日）集齊人去觀塘一間拳館做宣傳，即時露出馬腳。


為咗表達《拳王》收視勁，大會安排好糖膠做嘅假水樽同多塊一拗就爛嘅蔗渣板，叫大家爆樽踢板慶祝。講大隻，現場所見，黃浩然黃德斌夠晒睇頭，點知兩個連爆樽都爆唔爛，之後到踢板，黃浩然尚算一take搞掂，唯獨黃德斌隻天殘腳失靈，要補多腳先踢得爛。所謂有姿勢冇實際，兩位黃生最佳示範。 ####


黃浩然踢一腳就搞掂，冇錯，因為只係得一塊板。


五塊蔗渣板，黃德斌一腳伸埋去，點知一塊都唔爛！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄