許亦妮喊住呻完寃鬱氣後落台，師姐徐子珊即上前扮宮女扶住師妹落台，成功搶到鏡！

當大家仲未認得2011年港姐冠軍朱晨麗個樣時，話咁快新一年港姐又開始招募，上週五（30日）TVB專程搞咗個宣傳記招，仲叫埋歷屆港姐好似徐子珊、黄智雯等多位師姐撐場。


當日成班港姐大鬥法，先嚟07年冠軍豬港姐張嘉兒出喊招博得全場記者影相後，上屆季軍許亦妮亦唔執輸，着爆乳低胸裝現身嘅佢，講到上年面對負面新聞而受盡委屈時，亦眼泛淚光，又成功攞到版位。可能見鋒頭俾班師妹搶晒，04年已選為港姐冠軍嘅師姐徐子珊就壓軸出招。FBI見着得鬼咁密實嘅子珊已經輸晒，不過子珊之後不斷搞小動作引大家注意，見張嘉兒喊到隻豬咁，即主動遞上紙巾安慰，之後又扮埋宮女攙扶許亦妮落台，成個親善大使咁，當年佢攞唔到親善小姐真係嘥咗。

穿崩師姐
當日黄智雯喺台上講到07年參選港姐入最後5強時，已睇好冠軍係張嘉兒，即時搞到豬港姐感動到收唔到掣。不過佢擦完鞋就唔小心右胸膠紙穿崩。

孔雀開屏
當日子珊仲滿場飛，不停同在場港姐social，見到楊洛婷仲黐埋去玩自拍。 ####


上年是非港姐許亦妮，講到上年參選時咩都唔識就要面對一大籮負面新聞時，忽然眼濕濕，一個二個扮委屈。


當日豬港姐張嘉兒不斷出招，唔只上台分享嗰陣喊，就算台下坐低都仲喊緊，卒之搞到眼妝花晒，要攞手機當鏡執番個樣。


坐正喺豬港姐隔籬嘅子珊見有機可乘，即遞上紙巾，又成功引到人注意。


當日子珊仲滿場飛，不停同在場港姐social，見到楊洛婷仲黐埋去玩自拍。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄