唔使講，Michael亦是餐廳的擁躉，每次一定會order一份四條腸的jumbo熱狗：「呢度真係食得番以前的味道，好有童年回憶。做了幾十年，熱狗依然好好食，餐廳自己溝的醬汁第二度搵唔到，酸酸甜甜，好開胃醒神，係熱狗的靈魂。」其實，每一隻熱狗的製法都跟足以前盛極一時的安樂園餐廳，連用料都十年如一日。麵包是餐廳特別訂製的無味餐包，唔鹹唔甜，不會蓋過沙律醬的味道，加熱後的麵包面微脆，包身卻又鬆又軟。香腸用荷蘭牌子的雞肉豬肉腸，不似坊間的餐廳獨沽一味，只用豬肉腸。不過，以上都只是配角，主角是──秘製醬汁。秘製醬汁取代街外的罐頭茄汁加mustard，絕對惹味，甚至有客人熱狗走腸，只要沙律醬。老闆黎生話：「醬汁配方係咩我就唔講得啦，不過呢條方有百幾年歷史，係以前安樂園老闆去歐洲旅行時搵返嚟的。」
一講到醬汁配方，黎生就好口密。不過他透露，沙律醬中一定有澳洲牛油、醋、青瓜蓉同雞蛋，但重點卻是攪拌機。黎生指着廚房的3部攪拌機說：「這是美心等大集團用來打蛋的，不過我們就用來混醬，每日2次，每次1個鐘，每日都攪8大桶沙律醬，日日清的。」唔怪之得沙律醬唔單只酸甜好味，仲幼滑如慕絲。秘製沙律醬除了吸引到大批忠實粉絲，成為鎮店之寶，亦引來不少公司想跟老闆合作，推出罐頭沙律醬。幸好，老闆忠於自己，將所有賺錢大計推掉，繼續專心做好熱狗。
Missing out第39擊 熱狗王 $11
中環昭隆街有一家餐廳，賣了60幾年熱狗，味道還是一樣，從不偷工減料。每日去到午市，不論是藍領還是白領佳人，全都跑來買熱狗，每日平均可以賣到2,000多個，餐廳被冠以「熱狗王」之名，實在是當之無愧。
Michael:我每一次嚟一定要食4條腸的熱狗先至夠喉，一啖咬落去，沙律醬咇晒出嚟，好過癮。雖然麵包細細哋，不過即叫即烘真係好鬆軟，沙律醬又夠滑，絕對是香港的熱狗代表。
永樂園餐廳
地址︰中環昭隆街19號地下 電話︰2522 0965
何謂missing out?
本地有不少舊菜式被封箱，絕跡的原因可能是製作繁複、老師傅年華老去等等。不過只要你飲食經驗豐富，用心搜索，總有漏網之魚在附近。每期少年食神Michael發掘滄海遺珠，把舊時的食物連帶回憶重現眼前。 ####
《FACE》飲食版監修人少年食神 Michael
留言列表
{{ article.title }}
