06及08年先後復出舉行演唱會的關淑怡，可惜叫好不叫座，出山無運行，之後關淑怡繼續歸隱，直至近日才再度活躍，本來跟Neway唱片傾掂數，開價200萬簽三年，但近日Neway有人事變動，主席薛嘉麟安排黃栢高加盟，以顧問身份插手內政的他，由於領教過關淑怡的神化行為，於是煞停簽約計劃，令關淑怡復出撻Q。

要求多多
近日盛傳關淑怡復出，將舉行演唱會及推出全新大碟，她更搵來前梅艷芳經理人Marianne幫拖，與薛嘉麟的Neway唱片接觸。「其實呢幾年嚟，都有不同唱片公司接觸過Shirley，好似環球同英皇都傾過，不過，傾到一半就無下文，原因係關小姐傾約要求多多，講好咗啲嘢，過兩日又反口，係人都怕咗佢！「直至去年中，Shirley搵咗Marianne以朋友性質做佢經理人，同Neway、金牌傾約，Neway嗰邊因為想搵個有實力嘅女歌手坐鎮，加上舊一輩歌手反而更有市場，所以對佢好有興趣，今年初已經傾好晒條件，先俾二百萬，會出唱片同幫佢開演唱會。」Shirley身邊人說。

出手截胡
當一切準備就緒，近日Neway忽然人事變動，離開唱片業兩年的Paco黃栢高，近日正式加盟Neway，出任顧問一職。「因為Paco同澳門太陽城娛樂仲有合約，所以表面上佢同Neway合作，只係做consultant，但其實Paco密密去Neway開會，公司嚟緊所有大計都要佢審批，知道Neway要用兩百萬簽關淑怡，佢即刻turn down成件事！」知情者說。事實上，出道二十三年的關淑怡，一早臭名遠播，當年在藝能動音，試過帶埋律師上公司開會，○六年復出開演唱會，更經常甩底彩排，麻煩事一籮籮！「Paco喺呢行咁耐，對關小姐為人點會唔清楚，明知佢份人失控，仲要用咁多錢簽佢，唱歌再好都無用，反而之前啱啱簽約嘅Stephy，喺金牌年代已經係Paco愛將，嚟緊Neway寧願大做Stephy！」簽Neway撻Q，近日關淑怡唯有狂金牌，希望爭取最後機會復出賺錢。

我行我素
45歲的關淑怡，86年曾經參加新秀，但未被賞識，88年再到日本參加歌唱比賽，奪得冠軍後，簽約當時的寶麗金唱片公司，加入香港樂壇。90年，關淑怡推出唱片《難得有情人》火速走紅，橫掃當年各大頒獎禮的新人獎。 95年，舉行首個紅館個唱，在事業高峰期，關淑怡突然退隱。至01年復出推出國語大碟，但唔夠一年，又因懷孕再度與唱片公司解約，秘密到加拿大產子，至今仍未肯透露兒子父親的身份。 05年，有指她為養仔錢再度復出，翌年在紅館舉行三場復出演唱會，雖然門票滯銷，但卻贏盡口碑，08年再添食，加開兩場。近年，關淑怡經常被指行為古怪，精神錯亂，又有指她經濟陷入困境，拖欠卡數及保母車車資。 ####


今年一月中，關淑怡替關心妍任演唱會嘉賓，二人在台上擁抱，咧開口笑的她被發現甩了一隻牙。


近日出任Neway顧問的Paco，再次重返唱片業。


去年四月，關淑怡帶兒子出席《311燭光晚會》，對私生子問題不再避忌。


近年被指行為怪異的關淑怡，去年十一月被本刊發現她一個人在IFC漫遊。


環球高層黃劍濤跟關淑怡相識二十年，亦被她神化行為嚇怕不敢簽她。


關淑怡跟金牌高層Tommy Chu被發現繑手同擔一把遮，關係親密。


06年，關淑怡復出開騷，雖然演唱會評價甚高，但她飄忽行為卻令搞手李進（左三）十分頭痛。（《忽然1周》圖片）



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄