身在巴黎睇時裝周嘅卓韻芝，上個禮拜上載一張披住狐狸毛頸巾相片响社交網站，仲話條毛响垃圾桶執返嚟，即刻俾愛護動物人士河蟹兼洗版。


連祖宗十八代都俾人惡意問候，卓韻芝逼住拍片公開道歉，並解釋佢一位巴黎嘅朋友因為要搬屋，所以丟咗條毛落垃圾筒，佢唔想浪費，所以執嚟自用。環保係好事，問題在於呢條係真嘅狐狸毛，卓韻芝愈講愈錯，俾人寸多兩錢重：「我有個朋友煮咗煲狗肉，食唔哂，話倒咗去，我……於是食咗。我有個朋友有包丸仔唔食，想掉，我……於是啪咗。以上是卓韻芝小姐之見到有嘢掉落垃圾桶就不要浪費的邏輯！」其實一人做事一人當，卓韻芝衰咗，但就連累埋同樣身處巴黎睇騷嘅Angelebaby，因為佢上身披皮草，下身著皮裙，手袋係鱷魚皮，被愛護動物人士解讀為屍體覆蓋度比卓韻芝更嚴重；另外Eason老婆徐濠縈亦因為多次著皮草，俾人鬧埋一份，睇怕呢期應該冇女星敢披毛上身。 ####


事隔五日，卓韻芝自拍短片公開道歉，但刻意扮可愛叫人唔好嬲，仲乞人憎。


狐狸披肩清楚睇到有頭有尾，卓韻芝嘅facebook即被人河蟹，話佢披住動物屍體好殘忍。


全城人肉搜尋毛女星，阿徐不幸中招，有人留言問佢點解唔殺咗康堤放上身。


同樣身在巴黎嘅Baby，身上又皮草又皮裙，仲要攞鱷魚皮手袋，即被人鬧爆！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄