3月 4日孖老公歎酒
上週五晚，嘉欣同亨亨歎完酒，步出文華酒店大堂後，面對記者提問一概唔答，負責做人肉枴杖嘅嘉欣仲保持微笑，但揸住部 iPhone行路一拐一拐嘅亨亨就黑晒面。
狂玩 iPad
雖萬事以乖仔 JM為重，但一向我行我素的嘉欣始終初為人母，少不免犯下不少產婦禁忌，上週五（ 4日）傍晚，本刊便發現已極速收身的嘉欣黐住老公亨亨，到中環文華東方酒店的 M Bar飲酒消遣。
當晚兩公婆坐在酒吧的梳化位不斷拿着 iPad玩，邊玩邊笑。難得產後可撇甩 BB與老公過二人世界，當晚 2人更品嘗美酒，其中嘉欣點了 Martini Cocktail跟亨亨對飲。
嫌酒唔掯
嘉欣急不及待搶先試酒，但佢竟然仲嫌唔夠「掯」，嫌杯酒淡味，同 waiter講：「啲味同以前唔同喎……」二人連體對飲大約 1小時，便由亨亨埋單離開。
晒 B相
表哥好奇
小 JM出世 2日後，嘉欣家姐李嘉明囝囝 Ayden即去探望小 JM，表現好奇。
BB傷肝壞心
西醫
家庭醫生關嘉美指出：「餵母乳嘅媽咪，食任何嘢都過到落人奶，如媽媽飲酒等如 BB都會飲酒，雖然啲酒會揮發，但需時幾個鐘，但 BB每隔幾個鐘要食奶，邊夠時間讓酒精完全揮發？對 BB嘅肝同心臟都有壞影響。」
中醫
中醫師林顯增表示酒精一定傷害嬰兒，「餵人奶嘅媽媽，於坐月期間飲酒，少量冇大影響，但每次飲一杯以上，唔只損害媽媽嘅肝臟，更導致氣弱。而人奶亦會含酒精， BB亦因心臟未成熟，未必承受得到，對日後 BB心臟有不良影響，做媽媽嘅最好忍吓口。」
坐月如坐監
嘉欣雖曾表示親身經歷小生命誕生，開心到非筆墨所能形容，但於微博提到坐月時不能洗頭，晨早 5點鐘起身食飯就形容不可思議，之後仲話逃離月子監獄一天，講到坐月好似坐監咁。
對於清早 5點食飯（俗稱五更飯），其實可以令產後女性吸收更多營養，尤其對餵哺母乳的媽咪補充體力，嘉欣唔好呻辛苦啦！
亨亨離奇趷腳
當嘉欣繑住老公準備離開時，記者發現亨亨拿着枴杖，行動有點不便，而嘉欣亦傍實老公側邊，肉緊攙扶。記者即上前問亨亨為何受傷，但當發現記者後，嘉欣即挾着亨亨返回酒店暫避，記者再上前追問嘉欣：「點解未坐滿月就出街？」嘉欣亦扮聽唔到，直衝入電梯再於酒店另一出口鬆人。
而圈中亦盛傳嘉欣替 Jayden擺百日宴後，最快於暑假復出。記者就此事致電嘉欣經理人陳善之，佢回應：「呢個只係傳聞，嘉欣一定會出返嚟工作，不過冇咁快，有定案一定通知傳媒。」
吃喝玩樂
嘉欣雖然 40歲先生仔，屬於超高齡產婦，不過都冇影響佢嘅貪玩性格，大肚期間照樣四圍走，百無禁忌！
10年 11月佗 B踎街
大肚 7個月，嘉欣同亨亨為咗食經常排長龍、位於中環和安里嘅著名拉麵店「豚王」嘅拉麵，不惜大住個肚坐街邊食麵。雖然牙煙，但勝在夠威，因為呢間鋪每日只賣 500碗，就連大劉女友甘比突然殺到都食唔到。
羨慕星媽
虎年和兔年有唔少女星懷孕分娩，不過最令一眾網民羨慕嘅唔係經常同老公晒恩愛又一索得男的李嘉欣，反而係生咗個蝦餃仔，敢做敢認自爆人工受孕懷孖女的陳慧琳。甚至連剛宣布跟李澤楷分手的梁洛施亦有唔少網民支持。
留言列表
{{ article.title }}
