上月中，Flora以三萬元優惠價出席護膚品牌活動，原來是為未來傾拍新一輯廣告鋪路。

因為老公兼經理人鍾家鴻（Mike）申請破產，令四十一歲的陳慧珊（Flora）要全面復出，搵錢幫補家計。據知，Flora已落實接拍無綫於六月開拍的《衝上雲霄II》，並以優惠價出席護膚品牌活動。要獨力孭起頭家，更連累愛女到上海讀國際學校的計劃告吹，但Flora為了下一代的前途，寧願慳自己，換平車住舊樓，也要供女兒在港升讀名牌國際學校。

財政獨立
○六年，Flora與好友兼經理人Mike在美國秘密結婚，翌年誕下女兒鍾律然（Mira），Flora為了專心湊女減少幕前工作，只偶爾拍廣告及大陸劇，已很少在港曝光，「雖然Flora好信Mike，但錢銀上兩公婆都係財政獨立，之前Mike開嘅市場推廣公司蝕好多，又成日得罪人，根本做唔住，Flora唔係唔幫個老公，只係見個女仲細，大把錢要使，所以兩公婆商量過，決定申請破產，而Flora就趁無綫鬧花旦荒出山拍劇，六月會返去拍《衝上雲霄II》，之前佢出席Neutrogena個活動，價錢比以前平咗成半，都係想搏傾拍廣告，希望撈番起之後賺多一、兩年錢，留俾個女讀書。」Flora身邊友人說。

上海升學泡湯
二月初，Mike入稟高院自行申請破產，並排期在本月二十日處理。據了解，原本Flora計劃將囡囡Mira送到上海讀國際寄宿學校，不過，因為破產問題令計劃泡湯。「一直以嚟，Flora最想將個女送去上海讀書，因為嗰邊教育制度完善，而且有國際級水平，聽佢講每年使費要幾十萬，而家Mike破產，佢要出嚟拍劇，逼住要轉plan，留喺香港搵國際學校，雖然Flora有唔開心，不過佢好識諗，覺得喺邊度讀都一樣。」

街尾搬去街頭
鍾情住西半山的Flora，由於今時唔同往日，原本住豪宅冠冕臺的她，近日已秘密搬到三層高的舊樓暫住，「Flora鍾意住西半山，但租金好貴，佢見街頭啲舊樓面積大啲實用啲，雖然係舊，又要行幾層樓梯又冇club house，但Flora話冇所謂！佢連之前架Benz jeep都賣咗，換咗架廿萬二手寶馬俾Mike揸，自己就揸架廿幾萬旅行Audi，佢好慳家，寧願俾個女最好嘅，堅持餐餐都食貴價有機食物。」二月二十八日，Mike揸車載住兩母女直駛到尖東的科學館，出席Mira就讀的英基幼稚園課外活動日。Flora與其他家長一樣，全程陪住Mira參觀及玩遊戲，其間更拿起攝錄機拍下她的一舉一動，又要顧住餵食飯相當忙碌。反觀，Mike送了兩母女到科學館後便離開，兩小時後才折返，一家三口在車上，兩公婆明顯無偈傾。就Flora回巢拍《衝上雲霄II》及搬家的事致電Mike，他說：「到時咪知囉，我唔方便再講，總之，Flora都話咗會返去拍劇啦，冇嘢再可以講！我破產還我破產，唔關佢事，唔好再問喇！」

 

破產唔使怕
其實申請破產並非世界末日，衣食住行只要有人照顧，生活一樣可以好富貴。 鍾鎮濤與當時的妻子章小蕙合資炒樓爆煲，兩夫婦為錢反目兼離婚，阿B更於02年申請破產，後來有傳他得女友范姜財政支持，事業和家庭才得以維持。


陳澤民 09年陳冠希父親陳澤民因金融海嘯而申請破產，雖然破產令還未解除，但依然可以四處旅行，年輕男伴在身邊氹氹轉，生活如昔。 ####


破產前 $1,500,000


冠冕臺21號帝鑾閣租$50,000


破產後 $280,000


冠冕臺6號租$30,000


花足兩小時與Mira遊科學館，Flora全程照顧周到，是位一百分好媽媽。


雖然老公不在身邊，但Flora與女兒玩得很開心，並手持攝錄機拍下Mira的一舉一動。


老公Mike走前幾步拎車，Flora帶着Mira緊隨其後。


無綫將於今年開拍《衝上雲霄II》，據知Flora已落實拍攝，並會與吳鎮宇有感情發展。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄