「黄麗玲」呢個名可能未必人人識,但一話A-Lin,大家就知係好唱得嘅台灣「天生歌姬」,呢位台灣歌后喺上星期二,一連兩日喺會展開演唱會,第一次喺香港開演唱會就全場爆滿,歌姬的魅力果然非凡。
咦,點解「台灣歌姬」A-Lin呢張相,同曾被稱為「香港歌姬」嘅謝安琪有幾分相似,唔只有一張豐唇,大家都係喺07年結婚產子,係咪唇厚特別唱得呢?
今次A-Lin演唱會歌衫都係吊帶露膊及超熱褲,大騷一對白滑長腿,原來已為人母嘅A-Lin唔只有把雄厚歌聲,仲有一副keep得唔錯嘅身材喎。
28歲嘅A-Lin同年長8歲嘅職業棒球員老公黄甘霖07年結婚,生咗個女(小圖),家都成四歲大,有傳A-Lin今次全家一齊來港,間酒店房咁亂,可能係囡囡曳曳啦!台灣《蘋果日報》圖片
留言列表