聖誕節話明普天同慶，梗係愈熱鬧愈開心，平安夜嗰晚，FBI就同個friend一齊去咗沙田新城市廣場趁墟，咁啱撞正最近晚晚喺TVB主持甜品節目《甜姐兒》嘅糖妹（黃山怡）出席倒數活動。
有高登女神之稱嘅糖妹，個樣鬼咁sweet，連FBI都嗒佢糖，前排見佢仲係脹卜卜，發福唔少，但當晚見佢唔只瘦咗，尤其對腳有番線條，唔再係甲組腳，FBI都忍唔住走埋去問佢，糖妹都承認：「之前因為要拍《甜姐兒》，日日食甜品搞到原本95磅颷到去104磅，啲肉仲去晒下身度。」


始終肥係女人大敵，FBI問糖妹用咩方法去減肥，佢就自爆：「其實我家做緊針灸減肥，每次針1粒鐘，位置包括大腿、小腿同肚腩，夾夾埋埋針咗3次後，磅數減咗4磅，腰由原本25縮到24吋，自己覺得小腿同大腿都瘦番啲。最近成日要出鏡，始終都係瘦啲會上鏡啲！」只有4呎8吋小矮人身材嘅糖妹，如果再肥啲，真係驚會嚇走班高登宅男喎！努力減肥啦！

豆花妹變雲腿
糖妹瘦番唔怕露美腿，不過有「豆花妹」之稱嘅台灣宅男女神蔡黃汝，週日聖誕節當日專程出席「亞洲遊戲展」慰港男。雖然個樣好似豆花咁甜，但喺台上唱歌擘髀跳舞時，卻露一對甲組腳，即刻扣晒分。「豆花妹」始終都係兩年前賣豆花（小圖）個清純樣最煞食。 ####


12月 筷子腳
經過3次針灸，糖妹唔只減咗4磅肉，連大腿及小腿都瘦埋，佢話會繼續試。


8月 肥象腿
今年8月，糖妹出席「動漫電玩節」着住短裙上台唱歌時，露出一對甲組腳，仲紮埋馬，應該企得好穩陣。


側面都瘦
唔只正面睇，雙腿瘦咗，側面睇都有線條，成個sharp醒晒。


除咗大腿、小腿及肚腩，糖妹話每次治療師都會幫佢按耳穴。因耳仔嘅穴位跟腸、胃相連，可幫助排毒達至減肥效用。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄