書房的玩具五花八門，但拍照時何基佑偏偏要拎住本書，他解釋：「我平時玩玩具個樣太低能，拎住本書好啲喎！其實我成日喺書房睇書，睇到攰又可以玩吓玩具，好方便。」
星悅居
何基佑 玩具小白屋
何基佑，無綫生活台主持，熒幕前識飲識食講享受，這個也是他的 icon。
現實中，阿 Kay（何之洋名）與結婚一年多的靚老婆 Charis住在大埔林村村屋。大細路的阿 Kay堅持要將心愛玩具擺出來 show off，閒時可以望吓玩吓。其太太就最喜愛希臘小白屋「藍與白」色調，結果，合併了這間玩具小白屋。
何基佑家居
踏入何基佑的 700呎小白屋，即時被藍與白的絕配醒一醒神，就像進入了另一個世界。行多兩步，透過玻璃望到書房內的玩具，簡直進入興奮狀態，雙腳不由自主地行入去探索一番。「我睇你（指記者）都係八十後啦，呢啲玩具應該唔會陌生。其實我啲玩具都好雜㗎，由星球大戰、藍精靈，到近期嘅美國隊長、反斗奇兵我都鍾意，總之我覺得靚嘅就會買返嚟。依家啲 figure像真度極高，根本忍唔到手唔買，而且大部分都係限量版，好珍貴！」何基佑說。
限量耶穌
05年買入$900
現時炒價$4,000
07年朋友送約$1,200
現時炒價$5,000
這兩個耶穌 Figure均是何基佑至愛，「兩個都係限量版，全球唔超過五百個，朋友喺阿根廷買返嚟，左邊係夜光耶穌，夜晚會發光，右邊成個戰鬥格嘅係 Fighting Jesus，好打得㗎！」
「反斗」美國貨
愛玩具無分年代，近年大 hit的反斗奇兵，何基佑亦有收藏，「我有齊一套㗎，呢幾隻喺美國買返嚟，同香港有少少唔同，我專登唔放佢哋入盒，等佢哋可以夜晚出嚟玩，哈哈！」
升值限量熊
全球限量二千隻嘅 bear bear熊，是何基佑在網上以三千元買來，「呢個熊仔年紀仲大過我嘅爸爸媽媽，佢呢個經典英國造型，加埋個皮喼真係好正，依家炒到八、九千！不過我係收藏唔會賣！」
兒時玩具
一眾玩具中，總有些是特別有感情，「呢隻太空玩具跟咗我好耐，十幾歲到依家。其實佢冇咩好玩，係一種回憶囉，我一直放佢入盒好好保存，依家仲好新淨。」
光猛客廳
何基佑 2010年以低價 145萬購入這間村屋，粉飾家居時決定傢俬都以白色做主色，日間不用開燈都非常光猛，不過亦有缺點，「有時一兩條頭髮喺地面都會好覺眼，要即時打掃清走佢，白色地板無計！」
Q版基督公仔
何基佑與太太都是基督徒，屋內放了不少與基督有關的小擺設，「呢個情景係主耶穌出世，全部 Q版人好得意，仲有聖誕樹係我自己加上去。」
玻璃冇隔膜
用玻璃分隔書房與大廳，原來可以增強空間感，亦可增進夫妻感情，「我好多時喺書房對住電腦，會忽略咗喺廳睇電視嘅太太。用玻璃隔開既有自己空間，但又可以望到太太，感覺依然 close。」
兩夫婦同為貪靚之人，「太太話個廳一定要有鏡，方便自己喺廳都可以照吖嘛！塊鏡係我揀嘅，覺得好襯成間小白屋嘅舒服感覺。」
留住童真
別以為小朋友才會拎玩具出來玩，其實，八十後的「年青人」也會。「我間唔中啦，拎出嚟抹吓佢，順便玩吓囉，郁吓佢哋啲手手腳腳，你唔同佢玩，佢哋會唔高興，哈哈！人點都要保留番啲童真，唔係好易老！」
主持「明珠生活」
識飲識食的何基佑，現於無綫生活台與楊洛婷主持節目《明珠生活》，專門教人如何嘆世界。而剛播映的《法網狙擊》，他亦有份參演一個單元故事，飾演黑社會大佬。
橫樑扮木屋
房間顏色與大廳相同，只是牆身跟天花顏色對調，「睡房唔使咁光猛㗎，所以牆身用藍色，天花用白色，咁樣房間會 sharp一啲。」
睇完大堆色彩繽紛的玩具行番出大廳，發覺客飯廳感覺截然不同，雜物不多，傢俬設計簡約，感覺舒服。「我同 Charis好鍾意簡單，刻意用啲希臘小白屋嘅藍色同白色，天花嘅橫樑都係自己加上去，扮木屋屋頂，有 feel好多！」
英文詩冧老婆
肉麻的英文詩句，貼在牀頭板是否別有用心呢？何說：「牀頭打交牀尾和嘛，呢首詩咁有意思，我哋又點捨得嗌交。」
生猛貼紙
牆身貼上樹木與小鳥圖案，令間房更有朝氣，「貼嘅時候都好有技巧，我同太太貼咗成個鐘先貼到一張，出來效果好滿意，成間房生猛晒！」
作家夫妻
何基佑與太太都出過書， Charis將自己童年慘痛經歷化成文字，希望讀者從中得到啟發。而何基佑就寫出一些個人感受及道理與大家分享。
整體感覺行先
夫妻組 band
兩公婆同樣愛音樂，何基佑曾當歌手，太太 Charis以前亦跟劉以達組過 band。訪問期間，一個彈結他，一個唱歌，以夫妻檔自娛。
洗澡與神同在
沖涼當然是最 relax的時間，再加上睇住何基佑所揀選、貼在牆身的「上帝」留言，肯定能將沉重的心情消除。與神同在，放鬆晒啦！
村屋平面圖
留言列表
{{ article.title }}
