上星期四，FBI行過ifc，見到位樣貌清秀嘅高妹熟口熟面，FBI醒起呢位身高有5呎9吋嘅高妹就係上個月被踢爆同李澤楷喺日本餐廳撐枱腳嘅女律師梁芳（Ella）。


Ella身為名媛葉梁美蘭侄女，家底又唔錯，加上同小小超傳緋聞，FBI斷估Ella應該都係去ifc嘅名店shopping啦，點知入咗去數碼通請教職員關於iPad嘅嘢後，就會合一位女性朋友到幾間平價時裝店shopping，最後仲入埋一件衫百零蚊都有交易嘅ZARA。第二日，FBI打畀Ella姑姐葉梁美蘭八吓，佢話侄女一向慳家，「佢唔追求名牌，出入都係搭地鐵。而且佢做律師呢行只係可以着黑、灰同白，所以佢買來買去都係嗰幾個牌子，我畀啲名牌佢、佢都唔要。」唔似港女，唔怪得小小超對Ella咁嗒糖啦！


####


樸實最好！（設計對白） Ella雖然啱晒小小超胃口，但FBI八到自從佢哋嘅緋聞曝光，二人已少咗聯絡。


Ella入ZARA之前，行經平價時裝店Massimo Dutti，佢拎起一件幾百蚊嘅白恤衫左睇右睇，最後都冇買。


Ella行入ZARA發現被FBI狂影，即打畀姑姐求救，最後佢一件衫都冇買，就聽姑姐教行去ifc隔籬嘅四季酒店撇甩記者。


Ella上月被發現同李澤楷喺上環食日本菜。怕面對傳媒嘅佢，當晚一直唔肯離開餐廳，要姑姐葉梁美蘭飛車去救佢。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄