《法政先鋒III》已經播咗兩星期，上週平均收視31點，TVB真係飲得杯落。FBI除咗留意張可頤同徐子珊有冇擦出火花外，亦發現頭一個禮拜飾演天眼少女嘅樂瞳做得神化得嚟又慘情，演得唔錯。唔只FBI，連高登仔都不斷讚佢「萌」，上週五（21日）晚，FBI喺無綫新劇《當旺爸爸》煞科宴撞到樂瞳時，都忍唔住開口讚佢，佢就受晒：「天眼少女個角色暫時係我代表作，唔只香港fans，連大陸fans都cap晒我演出嘅畫面放上網，家我出街好多人叫我做『天眼少女』。」天眼少女咁爆，最近樂瞳就變成搶手貨，唔只密密拍劇，連澳門嘅「My Dream Wedding」婚紗公司都睇中佢，請佢做代言人，今次樂瞳首次以低胸婚紗look曝光，原本得32B的她更狂谷出3吋事業線，呢次初露認真唔講得笑。


####


24歲嘅樂瞳，最近為澳門婚紗公司「My Dream Wedding」做代言人大騷3吋長事業線，佢話：「起初都睇唔慣自己咁誇張。」


樂瞳做新娘，新郎哥就由梁烈唯擔當，不過2人企到離行離列，唔投入喎！


扮「天眼少女」扮上癮，FBI最近喺樂瞳微博發現佢就算等開工，都繼續手指指扮「天眼少女」嚇fans，個樣好邪惡噃！


《法政先鋒III》中樂瞳飾演嘅天眼少女黄嘉敏，慘被飾演玄學神棍大師嘅李國麟利用搵錢，仲被神棍搞到大肚還被迫殺死自己骨肉。睇樂瞳個慘樣就知天眼少女條命苦過苦茶。


唔少高登友都話「天眼少女」個名好純真好萌，但睇到樂瞳演出，就覺得好不安，證明樂瞳嘅演出已經入晒屋！


天眼少女咁hit，上週樂瞳出席新劇《當旺爸爸》煞科宴，一到場同劇演員蕭正楠（左一）即玩佢話：「你好邪，唔好行埋嚟呀！」

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄