兩年前因版稅問題而同五大唱片公司決裂嘅無綫，轉谷親生仔林峯做「亞太區最受歡迎香港男歌手」。
但如今五大破冰，堅紅歌手如陳奕迅、李克勤、張敬軒等個個吼住個「亞太」獎，林峯冇死雞執，據知他惟有出必殺技狂冧六嬸方逸華同高層樂易玲留獎。林峯識晨早玩預留，邊個夠你醒先？


自09年開始，無綫同五大唱片因版稅問題而擘面後，冇歌手上節目，無綫惟有力捧親生仔林峯，並執死雞連攞兩屆「亞太區最受歡迎香港男歌手」獎，可惜據知無綫為同五大破冰，不惜以《勁歌金曲》獎項作交換籌碼，有Eason、李克勤等堅紅歌手爭食，林峯當然自知危危乎。

冇見樂大媽
為保「亞太」獎項，據知契仔林峯已醒目同高層樂易玲和六嬸方逸華爭取預留獎項。本刊上週六（22日）就「留獎」一事問林峯，佢話：「年年都有呢類嘅新聞，自己當娛樂新聞睇就算，（擔唔擔心個「亞太區男歌手」獎被人搶咗呀？）唔擔心，呢啲都係炒作嚟啫！（係咪同樂小姐傾掂數，應承畀個大獎你啦？）吓？（大反應）我呢排忙喺內地拍劇，所以好耐冇見喇！」條線忽然劃到咁清，林峯反應會唔會過大呀？

同路
與林峯同屬英皇嘅古巨基，一向都係無綫友，如今多幾隻鬼爭獎，唔擔心就假。

三面受敵契仔
有「靚聲王」之稱嘅李克勤即將推出國語碟，身為無綫契仔，可以重返娘家唱歌，無綫點都睇住佢嘅。

大敵
破冰後唱片公司已即時為Eason做好準備，安排新歌喺無綫播放及配合11月出新碟宣傳攻勢，男歌手大熱。

黑馬
軒仔唱得又識作曲做監製，一直被睇好有創作才華，絕對係大威脅。

網友寸林峯未夠班
林峯09年奪勁歌頒獎禮的「亞太區最受歡迎香港男歌手」時，已被寸未夠班，到去年冧莊再攞時，被網民恥笑為「亞皆老街至太子道西掃街獎」，而廣管局更接獨37宗投訴《勁歌》賽果不公，捧佢變害佢，一線之差咋！ ####


林峯貴為無綫親生仔，一講到樂易玲，助手即刻話唔好問之餘仲急急帶走林峯。


大媽錫燶
除咗有樂大媽錫，林峯亦好得六嬸歡心，上年被指票房仆直時，六嬸即親筆寫「十二真言」力撐林峯，真係錫到出晒面。


六嬸真言


林峯連攞兩屆《勁歌》「亞太男歌手」，結果被網友勁寸。

arrow
arrow
    文章標籤
    男歌手 生仔 破冰 五大 最受 唱片 真言 eason 歌手 惟有
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄