娛樂八掛大放送★

官恩娜（ Ella）為新片《東風破》破天荒飾演醜陋兼患上血癌的癮君子，一反往日性感靚女形象， Ella更膽敢在放滿屍體棺木的義莊內睡覺，連泰迪羅賓亦佩服她大膽。

由泰迪羅賓及官恩娜主演的新片《東風破》，為慶祝東華三院 140周年特別籌拍，同時記載東華義莊為港人服務的精神及背後意義。過百年歷史的東華義莊，現在仍正常運作接受屍體停放，攝製隊在實地取景拍攝。泰迪羅賓在《東》片中飾演一名負責打理東華義莊的老伯，與扮演淪為癮君子的官恩娜大演對手戲，兩人互相影響下，改變了對方生活態度及人生方向。

放大圖片

官恩娜飾演的道友婆經常在義莊流連。劇照

放大圖片

電影《東風破》有不少歌手參與演出，連前輩演員苗可秀也參演一角。資料圖片

扮血癌道友

官恩娜扮演醜陋的癮君子，最後更患上血癌， Ella說：「扮黑眼圈道友都係第一次，我做足功課，睇過好多有關吸毒片段同電影。」官恩娜大讚原來義莊環境優美，她說：「原來家嘅義莊環境好靚、好清幽，我喺現場未需要埋位拍戲時，都舒服到瞓着咗，不過就有前輩走埋嚟叫我唔好喺度瞓，始終唔係咁好。」歌藝已被認同的官恩娜與泰迪羅賓惺惺相惜， Ella表示，兩人更相約公餘時間夾 band玩音樂。泰迪羅賓指義莊乾淨新穎，並非想像中似破廟一樣。

門自動關上 放大圖片

官恩娜與泰迪羅賓合作，戲外還相約夾 band唱歌。

泰迪羅賓透露，在義莊取景時，現場係放滿一副一副載有屍體的棺木，其中拍攝一個義莊內的鏡頭時，導演叫義莊內的人關門，泰迪羅賓打量室內四周只有他自己，但他還未動身走到門前，門已經自動關上，泰迪羅賓說：「當時肯定冇人埋到去閂埋，我只係覺得奇怪，唔覺得驚，我問過現役義莊負責人，佢話做咗幾十年，雖然相信有鬼，但從來冇見過，我本身冇宗教信仰，但我相信死亡唔係終站，相信有神存在， Ella夠膽喺嗰度瞓，真係佩服。」採訪：張俊銘攝影：黃文偉服裝： PATRIZIA PEPE髮型： Riza Lam@ Hair Corner


官恩娜擺脫靚女形象演出新戲《東風破》，她對此片期望甚高。