娛樂八掛大放送★

群妖亂舞又好，宅男殺手都好，o靚模明買明賣，前輩uncle黃就算幾睇唔過眼，各大小商場、品牌，都鍾意送錢俾o靚模，搵佢哋出騷谷宣傳！

上個禮拜二（七月十三日）人多勢眾嘅8模到銅鑼灣為內衣品牌行騷，有籮有波肉香四射，就連大師姐周秀娜都客串落場，雖然只係著粉紅bra加牛仔熱褲，性感程度唔及班師妹，勝在知名度搭夠，加上fit爆身形，既有C cup事業線，又有腹肌深坑，證明平日有努力keep，唔係獨沽一味，推波唧胸。
睇完九雙豪乳，第二日（十四日）輪到「百果園咪神」DaDa，帶住師妹Ivy出席一個蟒蛇活動！今次唔使賣肉晒好波，DaDa同師妹只需要將條蛇放响身上，任佢行來行去就有錢袋，再配合劇情，扮驚嗌兩聲，又搞掂！

有豪乳，又有腹肌深坑，周秀娜雖然最多布，不過fit爆身形最標青！

8模之中，以Hidy同Rika最搏，心口無事業線，轉移晒半股，提早迎月。

見到蛇就歪嘴扮驚現青筋，見到血淋淋蛇蛋就無感覺，DaDa啲戲仲係差啲！

少林寺有18銅人，家陣9模亂舞18豪乳，夠晒震撼。