在《愛•回家》中飾演八卦秘書莊思明，現實中是個文靜女子，返到屋企都唔多說話，「喺屋企，我會瞓喺露台 hea吓，同狗仔玩吓，靜靜地最舒服。」
星悅居
莊思明 充電海景屋
做藝人個個都想多 job做，拍劇接廣告，愈忙愈有存在價值。
辛勞工作一天，回到家，當然想放下一切，盡情 hea吓，休息吓。
最近無 綫劇集《愛•回家》宣布添食至三百幾集，劇中演員莊思明呢幾個月有排忙，但佢自有充電良方：「屋企有個無敵海景，我放工返 嚟就會坐 喺度，同我隻狗仔玩吓，簡簡單單就可以幫自己充電。」住 喺貝沙灣坐擁無敵大海景，絕對係人生樂事！
莊思明充電海景屋
採訪當日，氣溫三十幾度，熱到爆。記者一心諗住入到 Lisa莊思明屋企定必冷氣大開放。勢估唔到，冷氣唔開不單止，風扇都冇開！不過開住大露台的落地玻璃門，成間屋勁通風，出奇地清涼。原來吹海風當真好過開冷氣，莊思明說：「呢度好好風，就算出面幾熱都好， 啲風都係涼浸浸，我同大家姐（莊思敏）最鍾意個露台，兩姊妹成日坐 喺度傾偈。」記者都不客氣站在露台感受一番，再來一個 deep breathing。嘩！真係好醒神，難怪咁多明星都 喺貝沙灣住啦！
吸水白玉獅子
露台地上放了一對白玉獅子在兩旁，莊思明解釋這是風水陣，獅子對住個大海吸水入屋，旺財喎。
私家狗竇
除咗芝娃娃外，莊思明還有三隻松鼠狗，採訪當日工人帶了牠們到附近大草地玩。相中的 bean bag，都是莊思明特意買給狗仔坐，「我一買返嚟佢哋就好鍾意，走上去不停跳，我自己都冇坐過。」
拿督全家福
當年的拿督四仔女，現已長大成人。莊思敏早年率先踩入娛圈做 model，兩年前莊思明選港姐奪季軍，而大哥及孖妹莊思華大部分時間都在大馬生活。
相中的孖妹是 Lisa及 Mona，由大哥及大家姐抱住，四兄妹感情要好，所以他們四人的童年照都擺在大廳當眼位置。
簡約大廳
有無敵海景露台，怎少得四正大廳。客廳擺放的傢俬簡約，只有簡簡單單的真皮梳化、按摩椅、茶几及地櫃，客廳中央刻意預留相當大的空間，「可以俾我 啲狗仔走來走去嘛！佢 哋會開心 啲，我唔鍾意屋企有太多大件傢俬，感覺會好逼。」
其實莊思敏同莊思明兩姊妹住千五呎大屋，真係好難會有逼的感覺囉！不過她們有時也會逼埋同一洗手間內一齊化妝，「我 哋 嘅化妝品、護膚品都放晒 喺廳 嗰個洗手間度，一大堆 share用，有時大家差唔多時間出街，就會逼埋 喺洗手間化妝，好搞笑。」 
莊思明閒時除咗放狗之外仲會放兔，「兔仔三歲了，我間中會放佢出來走吓，不過放之前啲狗仔要入晒廚房先得。」
在家姐莊思敏精心布局下，屋內風水陣四處都是。細看下，連露台的玻璃門頂都有「六帝錢」（六個朝代皇帝的通用銅錢）坐鎮。
大廳的相架中有一張是幾十個莊思敏嘅人頭相，大家唔好以為莊思敏有自戀狂，其實係粉絲們送的，都幾有心思喎。
風水客廳
客廳其中一個櫃仔放了數件風水物品，「我本身唔識風水，啲風水陣係家姐（莊思敏）搵風水師傅擺，佛公仔同埋千手觀音我都唔知有咩意思，總之屋企順風順水咪得囉！」
閨房首曝光
莊思明也有她的私人空間，正是她的閨房。採訪前她講明唔想睡房曝光，不過在記者再三請求下，她終於答應開放其睡房，「我間房平時唔俾人入 㗎，因為好亂呀！我房 嘅雜物睇落好似四圍放，但其實擺位係有規劃㗎！梳妝枱一定會擺放我出街前 嘅隨身物件，好似太陽眼鏡、手錶、皮帶啦！方便我拎 嚟用嘛！就算間房多雜物，張 牀都一定要整齊，我每日 瞓醒會自己執 牀，唔會勞煩工人，呢個係我由細到大 嘅習慣。」雖然係大馬拿督女，自小又有工人服侍，但莊思明都好有手尾，絕對唔係有公主病的富家女。
睡房向海
莊思明的房間一樣可以飽覽無敵海景，「我瞓之前通常都喺牀度睇吓書先，有時望吓海，雖然夜晚黑麻麻咩都睇唔到，但感受到個海一樣咁舒服。」
對於莊思明來說，房間一個衣櫃似乎唔夠，要整多個架掛衫，「掛喺度嘅衫係我經常着，啲衫放衣櫃太耐會好焗㗎。」
飾物鈎
洗手間可以擺放雜物的空間買少見少，不過莊思明還懂得偷位放飾物，「我呢個鈎好好用，可以鈎到好多嘢，又可以隨時轉。」
廁所變化妝間
兩姊妹將洗手間變成化妝間，計埋櫃桶裏面的護膚品及化妝品，一共超過五十支，果然貪靚。
．單位平面圖．
玄關擺水兜聚財
屋內的玄關位放了一大碗清水，沒有魚，沒有植物，原來都係風水陣，寓意聚財，「聽家姐講，呢個係成間屋嘅財位，擺一大碗水有聚財作用，而且水要日日換， 衞生啲嘛！」 
留言列表
{{ article.title }}
