娛聞樂
內地酒吧唱出頭 蕭正楠吸金力逼陳豪
TVB人工公認奀，不過勝在「劇集效應」強勁，可以帶挈小生及花旦在內地登台及接廣告，收入比無 綫月薪高幾倍。唔講唔知，無 綫一線小生因為劇接劇，失去好多登台機會，加上揀擇唔做細場，二線小生於是接棒執死雞，個個禮拜北上搵外快。
去年陳豪贏蕭正楠奪陳茵媺芳心，講溝女蕭公子輸一仗，不過論銀，密食當三番的「酒吧小王子」蕭正楠，登台價高達 8至 10萬元人仔，加上食住條水長做長有，一年埋單登台賺逾 5百萬，吸金力與一線的陳豪原來叮噹馬頭。
蕭正楠在《天梯》中飾演的賀世豪，是顧新月（張可頤）的堂叔，他和父親賀坤堯（張翼），不時同張可頤鬥餐飽。
唱歌出身的蕭正楠（ Edwin），自 08年簽予 TVB後主力拍劇。全靠劇集播出，令他在內地人氣急升，登台騷反而成為其主要收入來源，而且好和味㖭。據知他每周平均北上掘金一次，每次唱二十分鐘就穩袋 8至 10萬人仔，認真易賺。如遇正有新劇，例如 4月播映《當旺爸爸》時，蕭正楠最高峰每周更返內地登台 5次。
肯接酒吧騷
單以騷價計，蕭正楠與一線小生陳豪比，依然有距離，但因為陳豪不停劇接劇，難以度期，根本無暇北上掘金。同時，大部分小生都只肯接商場騷及大場騷，對酒吧登台的工作興趣不大。而在眾小生當中，只有謝天華及蕭正楠願意在內地酒吧登台，不過謝天華的登台價高達 20萬，令不少酒吧老闆卻步。相反蕭正楠樂於接酒吧騷，騷價又合理，所以即使在無劇播的淡季下，他每月都穩袋逾 30萬人仔。
被封為「酒吧小王子」的蕭正楠笑說：「個名幾好笑吖！北上登台真係我近兩年 嘅主要收入，《當旺爸爸》播映時，個個禮拜都有三、四次登台，好多現場觀眾仲指定要我唱〈遙遠的她〉，因為劇中我唱過，佢哋覺得感動。（收十萬唱廿分鐘？）都係辛苦錢啦！試過去汕頭登台，來回車程十小時，夜晚出發，天光返來，不過我知道拍劇至係主要 嘅工作，登台係 bonus啫。」勁識賣口乖。
蕭正楠大多在汕頭、廣州及深圳一帶登台，酒吧騷每月最少四次。
陳豪與女友陳茵媺情侶檔出騷，騷價達廿萬。
將軍澳置業
至於被指收入直逼過氣情敵陳豪，蕭謙虛說：「佢唱一次等於我唱十次啦，佢 哋身價高過我好多！其實真係多謝公司，盡量幫我度期，等我可以出去登台搵外快。」蕭正楠將近年的登台收入儲起，用作置業，他說：「最近開始物色地方置業，希望喺公司附近買一個細單位，一方面當 studio，另一方面又方便返工。不過阿媽唔肯搬來將軍澳住，所以如果置業成功，我就會有兩頭住家。」
蕭正楠與陳豪的新劇《天梯》本周一（ 17日）首播，另外台慶劇《大太監》蕭正楠亦有份演出，更有機會問鼎「飛躍男藝人」，名利雙收。
在《法證先鋒Ⅲ》，蕭正楠和陳茵媺是一對。現實中蕭正楠追陳茵媺，不過就輸俾陳豪。
蕭正楠在《當旺爸爸》飾演癡心男，他後來以〈遙遠的她〉參加歌唱比賽，技驚四座。
小生北上騷價
當紮 chok男
林峯少接登台騷，基本上有價冇市，謝天華就食住 Laughing個勢。
林峯
人仔價 20萬
謝天華
人仔價 20萬
視帝級數
以前黎耀祥好多騷都是黐住朱咪咪，近年才升呢；陳豪則主要接香港商場騷，少返大陸登台。
陳豪
人仔價 15萬
黎耀祥
人仔價 10萬
上位小生
兩人都係靚仔，曝光率又高，不過近日同受緋聞困擾。
黃宗澤
人仔價 8萬
吳卓羲
人仔價 8萬
過氣中生
兩人勝在保養得好，大把美容騷同登台騷。
關禮傑
人仔價 8萬
吳啟華
人仔價 8萬
實力二線
留言列表
{{ article.title }}
