今期《忽周》大改革，正片極多， 有聲有畫，睇得特別fun！媽咪姐重點推介，梗係新欄目「星悅居」屋主黃浩、徐淑敏同細女（Renee）喺田園大屋嘅玩樂溫馨片段啦。Renee依家先6個幾月大，但個樣已經好鬼標致又精靈！


佢鍾意笑，見到爸爸黃浩攞玩具同自己玩就笑得最開心。雖然黃二千金咁細個，仲未識笑出聲，但對眼就會變腰果，咦，果然盡得靚媽媽徐淑敏嘅「真傳」呀！

王浩信新手Daddy好緊張
王浩信同陳自瑤（Yo Yo）啱啱生咗個小龍女，兩公婆自然好鬼興奮。喺醫院門外接受訪問時，新手爸爸一手抱B女，又不時掀吓B女個頭笠，好驚佢焗親。因為咁， 媽咪姐就到王家大小姐有好多頭髮、鼻高高， 幾靚女喎！更難得嘅係，父母抱住B女做晒成個訪問， 佢都一味瞓，無扭計，真係乖豬嘞 。

樂易玲女強人講湊仔經
平日喺電視見到TVB高層樂易玲接受訪問， 都係講班「藝員仔女」，好難得今次聽到佢講番自己現實中嘅湊仔經。女強人把聲原來幾低沉，但一講起屋企嗰兩位公子，眼神不期然流露一點溫柔。唔信？睇片啦！

女神•黑莓•煮兩味
播完無耐嘅《靚人靚湯》節目，唔係紅咗主持陳芷菁同姚子羚，反而喺入面教煲創意湯嘅前港姐Hilda（梁雅琳）成為宅男新女神！今期《忽周》就請咗呢位「美女廚神」教用時令黑莓做法式春雞同西米露， 一莓兩用，方便快捷！睇住Hilda笑瞇瞇示範，搞到媽咪姐都口水流呀。

《忽周》睇真啲正片唔好miss！ ####

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄