誠心擇吉日 張智霖靚靚觀音廟求女

年近4張都依然成個青春偶像小生樣張智霖（Chi Lam），新劇《魚躍在花見》贏盡口碑。近年Chi Lam事業家庭順風順水，認真還得神落，趁住年初六當 日乃係立春後好日子，同埋老婆袁靚靚一齊去「水月觀音廟」還神，兼順便求女！

據玄學師程仲蕎表示，初六（2月8日）當天乃係拜神好日子，可祈求全年順風順水。唔怪得當日Chi Lam同老婆袁詠儀二人於中上環「水月觀音廟」一臉誠心拜神，當日人多擠迫，靚靚依然十分落力，於觀音廟內到處上香祈福，手忙腳亂下好彩有老公Chi Lam身邊，走來走去幫手。

—順風順水—

原來「水月觀音廟」係求子特別靈香港廟堂，至於「水月」之意，據程仲蕎師傅表示，「水月觀音，係以一輪明月為背景，坐於水中岩石之上，月照水，水映月而得名。」

程師傅並表示，水月觀音廟，其實主要作祈求整年事業順利，不過求子亦十分靈驗，她說：「今年初六係最佳祈福、上香還神日子，可得整年事事順利。」事實上，Chi Lam近年工作十分順利，09年復出樂壇，簽約Neway Star唱片公司，一曲《妳太善良》大獲好評，成為三台冠軍歌；其後於2010年及今年相繼推出新歌《情愛現代事故》及《爆你》，亦於各大音樂榜上見佳績，而緊3月，Chi Lam仲會舉行首個紅館演唱會，認真可喜可賀。

—發財添丁—

事業越撈越掂，家庭亦和合溫馨，Chi Lam同袁靚靚於2001年拉埋天窗，5年後於06年11月12日養和醫院剖腹誕下8磅男嬰，取名張慕童，英文名Morton，所以有名「魔童」之稱。

Chi Lam同靚靚兩公婆對愛子疼愛有加，不過Chi Lam兩公婆一直恨生多個女，湊夠個「好」字一雙，不過未知張氏夫妻今年追女機會如何？程師傅表示，「Chi Lam同袁詠儀今年子女星同時合入夫妻宮，而兩人亦分別子女星入命，不過由袁詠儀八字所見，如果再次有喜，好大機會再得一子。」觀音大士並非有求必應，呢舖可能注定Chi Lam同靚靚要繼續先發財添丁，倒不如順應天意，勤勤力力生番隊全男班足球隊玩先，收爐前先生番個千金都未遲！

張智霖袁詠儀誠心擇吉日 觀音廟還神求生女

張智霖 袁詠儀
年近40歲都依然成個青春偶像小生模樣的張智霖，新劇《魚躍在花見》贏盡口碑。近年事業家庭順風順水，趁著年初六當日乃是立春後的好日子，同老婆袁詠儀一齊去“水月觀音廟”還神，兼順便求女！

image

image

image


arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄