黎明出席四季酒店的 Now開台派對，與 Now兩位高層及 Now香港頻道副總裁杜之克（左一）主持亮燈儀式。
探熱針
劉華學友城城唔吼　黎明撐 Now多着數
2011年02月17日
上週三（二月九日）， Now 101寬頻電視台正式啟播，在四季酒店舉行大型開台記者會，唔少 PCCW旗下客戶出席，但撐場的名牌藝人，就只有天王黎明一個。
據知， Now先後曾聯絡四大天王出席開台記者會，劉華城城學友都以工作為由，婉拒亮相俾面派對；至於 A Music老闆黎明，即使答應到場，其實附帶條件多多，包括 Now承諾在綜藝節目中力捧 A Music旗下藝人，更會大灑金錢為黎明新寵 JW製作個人特輯。
志在必得
打鑼大半年， Now 101寬頻電視台終於在上週三開台，要硬撼無綫、亞視、有線搶客， Now大灑銀彈，以話題性遊戲節目《撳錢》掀起全城熱話，未來日子亦會加強製作綜藝節目。
勢與無綫爭一日長短， Now幾經波折，終於成功由無綫撬走製作部高層何麗全，擔任 Now綜藝節目總監。
「陳志雲返番無綫之後，的確出盡力想掹番何麗全留低，但 Now嗰邊認為，何麗全係佢哋嘅王牌武器，所以再加碼，多俾成七位數字搶佢過檔，志在必得；依家何生仲喺無綫嗰邊返工交代埋啲手尾，但佢其實有幫 Now度嘢，只係暫時唔方便喺 PCCW蒲頭！」知情者說。
今年一月，黎明同樣以做《勁歌頒獎禮》表演嘉賓，換取 衞蘭及 JW奪「金曲金獎」條件。
 
Now 101開台派對，四季酒店場外擠得水洩不通，但場內嘉賓陣容卻十分普通。

四大留手
要打仗，何麗全先向紅人埋手，包括與無綫反面的五大唱片公司藝人。上週三的開台記者會，原本當日獲邀的主禮嘉賓並不止黎明一個，何麗全一心以「四大天王」齊人撐 Now，曾出面邀請劉德華、張學友及郭富城俾面出席，但三人都以當日有工作推辭，連黎明亦一度想縮番唔到。
「開台儀式係大件事， Now嘅高層想做嘢俾啲客睇，但四大天王個個上晒神枱，莫講話齊晒人，請一個都唔輕易。其實嗰日 Now請晒同無綫反枱嘅『五大』藝人，但最終只有羅傑承嘅 BMA俾面出席，咁無綫新主係殼王陳國強，嚟緊會點冇人知，留一手好正常！」知情者說。


成立自己品牌 A Music後， Leon對旗下藝人出心出力，最新寵有 JW（右二）及李治廷（左二）。
 
何麗全和黎明幾乎每年都會合作無線大騷《萬眾同心公益金》，二人私交甚篤。

乘虛而入
雖然黎明最終都有到場，但除了主持亮燈，做完即走，唔接受訪問，此外， Now亦答應日後會力捧 A Music旗下藝人，並落實為 JW製作個人特輯。
至於何麗全正式轉會後，專責綜藝節目部門，無綫因為慳錢，不獲投放資源製作音樂節目， Now 101亦會乘虛而入，包括舉辦音樂頒獎禮，黎天王無寶不落，等收派彩。


劉華犯忌以廣東話接受 Now寬頻電視節目訪問，但卻以《我知女人心》電影宣傳為由，拒絕出席上週三的 Now 101開台禮。
 
何麗全出面請近年甚少同台的四大天王出席 Now 101開台禮，可惜如意算盤打唔響。

親力親為
身為 A Music老闆，黎明為旗下藝人仆心仆命，由早年獲力捧的 衞蘭 衞詩，到 Janice Man及近期集中火力栽培的新人 JW，黎老闆都有不同程度出力，連行台爭獎都做埋，除了打友情牌，更出動埋老婆樂基兒幫旗下女藝人做形象，用心良苦。
JW 


為了幫 JW爭取各台的新人金獎，黎明破例為她的處女作《掛念好友》親自行台，更相約各大電台高層飯局，又在無綫大灑金錢落廣告，極力催谷 JW做新人王。今年的《十大勁歌頒獎禮》中，黎明更現身唱歌，結果 JW與 衞蘭的合唱歌《男人信什麼》爆冷奪得「金曲金獎」。
衞蘭


05年， 衞蘭獲黎明力捧，欽點她翻唱其舊作殺入樂壇，第一隻碟銷量已高達 3萬張。 06年，黎明親自執導拍攝音樂電影《緣邀知音》，起用 衞蘭做女主角，替她力谷新歌《離家出走》，為年尾頒獎禮鋪路。在黎明的催谷下， 衞蘭入行未夠兩年，已踏足紅館開 4場演唱會。
Janice Man


09年， Janice Man宣布加盟 A Music，被黎明封為「模 art」， Janice Man更同「老細」一齊在個唱亮相唱歌。其後，又有黎太樂基兒任形象設計，傍住行騷，並投資七位數字開拍新戲《為你鍾情》，捧 JM、 衞蘭做女主角。

劉德華張學友郭富城不賞臉 黎明撐NOW好處多

二月九日，香港NOW 101寬頻電視台正式啓播，在四季酒店舉行大型開台記者會，不少電訊盈科旗下客戶出席，但撐場的名牌藝人，就只有天王黎明一個。

據知，現在先後曾聯絡四大天王出席開台記者會，劉德華郭富城張學友都以工作爲由，婉拒亮相派對。至于A Music老板黎明，即使答應到場，其實附帶條件多多，包括NOW承諾在綜藝節目中力捧A Music旗下新人，更會大灑金錢爲黎明新寵JW制作個人特輯。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄