由前年開始攻日嘅 Chrissie，追住 Baby打，唔只幫過名牌內衣 Ravijour、 Embuche做 catalogue model，最近更凸胸趷籮為新一期日本《 Weekly Playboy》影大膽相再益 o架仔。

 

Chrissie拱橋陪操

胸降完日本，始終香港先係 Chrissie嘅基地，據稱由前年開始連續兩年成為書展寫真大贏家的 Chrissie，今年將減產，個人性感寫真急停，但與 Jessica C.孖住一齊拍電影《熱浪球愛戰》的寫真集則照出。
據知 Chrissie今年大計是趁 iPhone熱潮煲得火熱，推出由 Chrissie肖像創製的新陪玩 app，到時 Chrissie唔只以水着姿態陪宅男跑步，更會示範玩體操及拱橋。問到 Chrissie會否怕被人抄橋，她就話：「其實呢個係個大 project， 4月會開始搞，暑假前一定出得到。我唔想咁快公布詳情住，你知好橋好快俾人抄嘛！」

 

放大圖片

擺出誘人甫士嘅 Chrissie，被《 Weekly Playboy》雜誌形容為淘氣小天使（紅圈）。

 
放大圖片

Chrissie唔只為雜誌影性感相，最近還幫日本網上購物網 Nissen做廣告模，下月仲喺東京行 TGC騷，喺日本鬼咁多 job，拍得住 Angelababy。

 

師妹出埠陪瞓

Chrissie陪做運動冧死宅男，師妹 A.Lin（裴殷）仲激。 A.Lin的新 app將玩「出鐘女友」橋，全天候 24小時想點玩都得，陪飲茶隨時奉陪，就算陪出 trip及氹你瞓覺一樣唔托手踭，雖然好似好踩界，但 A.Lin就解話：「我都係想開解一下冇女朋友嘅男仔啫，但一定冇包含色情成分，只要氹得佢哋開心，我會好有滿足感。」講明係一個 game，斷估石詠莉（爆石）入唔到位博宣傳喇啩！

女神出新招

7月泳衣陪跑
今年唔出個人寫真嘅 Chrissie，肯定會令唔少娜迷失望，好彩 Chrissie會推出新陪玩 app慰宅男。據知 Chrissie將於 4月開工搞造型，仲話形象唔性感唔收貨，個 app預計 7月登場。

 

A.Lin出鐘女友
最近 A.Lin（左）同一眾同門姊妹 Annie G.、 DaDa等合作做亞視深夜節目《 11點後特區》，以性感睡衣，同你講娛樂講私事，而新 app亦化身出鐘女友，乜都聽晒你話，唔冧爆電車男至怪。

 

放大圖片

《蘋果日報》圖片

 

港版 AKB　 32D命運少女 8月殺到

Chrissie暫退寫真界，其經理人公司 GME亦有秘密武器捧新女接班。上年日本人氣組合 AKB48橫掃亞洲， GME亦照辦煮碗組織一隊由 32名 16歲至 22歲的 D Cup少女組成港版 AKB48，組合命名為「 32 Destiny」（ 32D命運少女）。據 Chrissie經理人 Roy稱：「呢隊組合預算暑假推出，家已搵到 16個來自馬來西亞、香港及日本成員，遲啲打算搵米原康正執靚佢哋形象，仲會搵安室奈美惠御用監製幫佢哋作曲；到咗揀好晒人選，我哋仲會飛去馬來西亞拍特輯添！」宅男對眼，暑假有排忙！

 

放大圖片

32D命運少女同 AKB48一樣以大堆頭見稱，隊員個個唔同款，梗有一個啱心水。

 
放大圖片

AKB48氣勢愈來愈勁，本週來港嘅大島優子，早前仲被港男公言以愛液手侍奉，離譜！

 
 
arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄