Legacy GT 掃把佬推背遊水塘　 1pm 影至靚藍天 @ 娛樂八掛大放送★

放假有咩好得過揸住愛驅四圍影相！今次借來掃把佬 Legacy GT做長測，遠赴城門水塘做龍友，一覽無遺的靚景的確大把，不過烈日當空光差極大，影出來不是 Over就是 Under。今日醒你幾招，讓你即變「高呢」龍友！記者：徐影龍攝影：林栢鈞Model： Sansu@Pure Models

其他副刊影片 Legacy爽爆上山放大圖片
■跑大斜上山兼玩連續急彎，全新 Legacy應付得綽綽有餘。

■跑大斜上山兼玩連續急彎，全新 Legacy應付得綽綽有餘。

咪以為孭住全身長短火、追住 o靚模高低喪炒嗰啲先叫龍友，其實正確名稱係「沙龍發燒友」，專影 Moody靚相，即係周潤發、任達華嗰隻呢，幾型呀！久仰城門水塘有大量靚景，但老實講，天時暑熱要我行上山，相信未到馬騮陀地，我早已暈低！好彩有架 Subaru Legacy GT做腳車， 285匹 Turbo引擎爆上山，四驅咬地又好彎，揸嗰個已經夠爽，打開天窗嘆埋急凍冷氣，未到水塘先享受 Cool之旅。

放大圖片
■未到水壩有小賣部同廁所， In同 Out一次搞掂晒。

■未到水壩有小賣部同廁所， In同 Out一次搞掂晒。

放大圖片
■去到銀禧水壩特別多馬騮，千祈唔好手多搞佢哋。

■去到銀禧水壩特別多馬騮，千祈唔好手多搞佢哋。

放大圖片
■閒日都有好多龍友行上山，搵景影靚相。

■閒日都有好多龍友行上山，搵景影靚相。

放大圖片

落隧道前靠左駛放大圖片

要入城門水塘，最近位置由荃灣港鐵站下面的西樓角路向東面出發，左轉上蕙荃路及石圍角路，跟路牌直駛至和宜合交匯處，於「梨木樹」出口駛離迴旋處，記住落隧道前靠左駛，再沿途直駛約 2分鐘就到。

第一景碧海藍天夾時辰放大圖片

驅車約 4分鐘後，首個無敵靚景映入眼簾。水塘靚景一覽無遺，水面泛着陽光，鏡頭夠 Wide已足夠盡收靚景。

放大圖片

正光位喺晏晝，好彩有大量樹蔭位，怕曬可以匿埋唞唞。

放大圖片
Tony Chu（資深數碼產品編輯）

Tony Chu（資深數碼產品編輯）

Tony教路：要拍攝藍天白雲嘅主壩景，最佳時間係 1pm至 3pm，呢段時間屬正光時辰，天空會格外蔚藍，海面亦特別靚。

放大圖片

要小心周圍劃晒黃格，千祈唔好亂泊車。

第二景借近景增層次感放大圖片

向前直駛多 2分鐘，到達銀禧水壩，不過落咗閘，揸車入唔到去，須徒步走入。

放大圖片
■唔止天同海，好好利用身邊環境，令拍攝題材更豐富。

■唔止天同海，好好利用身邊環境，令拍攝題材更豐富。

Tony教路：石紋能帶出有力質感，故意將石壩拉近鏡頭，再影遠方玩透視，整體將有更深空間層次感。

放大圖片

附近無正式收費錶位，都係嗰句，唔好違例泊車，大可叫司機朋友喺車度等。

第三景故意背光玩剪影放大圖片

沿水壩直行見到鐵橋及塔仔，屬「打龍」勝地，龍友們花最多心思，可惜鐵橋已關，不過外圍影一樣有 Feel。

放大圖片
失敗（曝光過度）<br/>■新仔拍友，九成會錯用前景做對焦同測光，搞到成張相 Over晒。

失敗（曝光過度）■新仔拍友，九成會錯用前景做對焦同測光，搞到成張相 Over晒。

Tony教路：不妨大膽啲用個天嚟測光，浮雲伴住太陽清晰可辨，下方鐵橋同塔仔變剪影，成張相會好 Mood好有 Feel。

平玩推背快感放大圖片
■天窗面積不過不失，勝在全自動夠瀟灑。

■天窗面積不過不失，勝在全自動夠瀟灑。

Subaru全新第五代 Legacy推出後，只匆匆一嚐，今番向代理借來長測，可盡情慢慢玩。 2.5L水平四 Turbo引擎，馬力成 285匹，全車坐滿人再加大堆攝影器材，跑大斜路稍踏油門，靚女 Model已興奮叫出：「嘩，推背呀！」四驅亦是 Legacy標誌之物，行山路最能發揮，好多連續 S急彎都好咬地，唔會踩過對面線咁失禮。而且外形大革新， Subaru玩斯文型 Sporty，過往街飛「掃把佬」形象已經不合時宜，好似我呢類七十後，都唔怕畀人話「老飛」。最重要係車價勁吸引，三十零萬買性能同操控已值回票價，加埋全車高級 Design同豪華設備，我就覺得好抵玩。

放大圖片
■皮椅再加闊落車廂，後排都坐得好舒服。