娛聞樂
殼王欽點救亡 志偉請劉華出山拍劇
電視大戰如箭在弦，早前無 綫面對 now及城市電訊挖角戰，元氣大傷，除了金牌監製劉家豪及梅小青被 now挖走，一大班甘草演員及幕後人員亦大量流失，令無 綫拍劇進度大受影響。以往無 綫每年的劇集存貨，足以應付一年的播出，惟今年 7月拍罷《巴不得媽媽》後，未足一個月已急急推出，證明無 綫劇集存貨量大不如前。
無 綫揸弗人殼王（陳國強），最近動作多多，除了搵王晶返無 綫拍劇外，更找來曾志偉大打人情牌，搵電影紅星拍劇，更將電影及電視劇結合，雙線發展。志偉更已聯絡好劉德華及古天樂，隨時 stand by做男主角，投資額千萬計。
今年無綫最高收視的劇集，是早前播出、由劉家豪監製的《護花危情》，平均收視 32點（約二百萬觀眾），而劉家豪已過檔 now，即將掉轉槍頭打無綫。
殼王繼搵王晶回巢拍劇外，今年最大的計劃就是搵志偉搞電影加電視版劇集。殼王之所以有此構思，無非是想借助王晶及志偉在影圈的人面，邀請一批一線的演員返無 綫拍劇。王晶以 4萬一集邀得七料影后葉德嫻拍 40集長劇，男主角除了馬國明外，還有內地走紅的劉愷威及晶女郎童菲。
「殼王搵王晶同志偉，除 咗想借佢 哋 嘅人面，搵紅星拍劇，亦可以為無 綫引入多啲新面孔，加上近年劇集的收視回落，佢希望帶 嚟競爭性，對做 咗好多年 嘅珍姐（曾勵珍）同 Tommy（梁家樹）有新衝擊。而志偉仲拍心口，話會搵影圈 嘅紅人返 嚟拍，好似劉德華同古天樂呢 啲大卡士；仲會搞埋電影，打入大陸同東南亞巿場，總之係大 project。至於志偉拍 嘅劇，一定會放喺黃金檔期，連珍姐同 Tommy嘅劇都要讓路。」知情者說。
周日（ 12日），本刊向志偉求證時，他直認不諱︰「係！依家諗緊一個時裝、一個古裝劇，係同電影掛 鈎，好似之前《 Laughing Gor》，都係我 idea。我依家諗緊係電視劇個故仔伸延到電影，還是拍電影先，再將個故仔變番一個三、四十集 嘅電視劇。我又諗過拍《飛虎》呢類題材 嘅電視劇，有唔同 嘅單元。」
志偉開戲有計
自從殼王入無綫，志偉與無綫合作更緊密，三年共拍了三套賀歲片，包括《 72家租客》、《我愛 HK開心萬歲》。曾志偉吹雞，梁家輝同吳君如隨時候命。他今年話咁快就拍咗套《 2012喜上加囍》，收視一千七百多萬，算有交代。
2011年《我愛 HK開心萬歲》
收 2,669萬
2010年《 72家租客》
收 3,088萬
2012年《 2012喜上加囍》
收 1,788萬
王晶入 TVB，還會帶埋晶女郎童菲及葉德嫻。葉德嫻未來大有機會再同華仔結劇緣。
我都唔弱。（設計對白）
古天樂等好劇本
不過，志偉謙稱自己拍電視劇係初哥，要不斷學習︰「我拍電影瞇埋眼都識拍，但我唔熟電視劇 嘅結構，所以會搵人幫手。我會搵合作開 嘅班底麥曦茵、黃精甫等人。我 哋好有默契，拍電視劇會好有火花。」
問到是否搵劉華及古仔出山？他說︰「華仔係有同我講，如果個劇本佢鍾意，唔排除會返無 綫幫手。而古仔都話過冇問題，依家係爭個好劇本。其實演員都係劇本出發，有好 嘅故事，我有信心可以打動佢 哋。（咁個劇本有未？條橋係點？）橋 嘅 嘢梗唔可以穿，穿 咗就俾人拍 咗 㗎 嘞！」
殼王搵志偉、王晶開劇，身為無 綫老臣子的戲劇製作總監梁家樹亦不甘示弱︰「冇衝擊！只有幫助，係一件好事（指王晶同志偉搵大卡士演員拍劇）。大卡士有幫助，大家有大家專長，志偉都有同我傾過。（無 綫想搵多 啲新血？）其實不嬲都做緊，好似拍《衝上雲霄 2》，都搵好多唔同外援。我 哋都有培養新人，都有搵知名人士幫手。（王晶、志偉加入，對劇組有冇壓力？）不嬲都有壓力，做 嘢佢 哋肯定幫到。」至於珍姐，則因放大假，未能回覆。
其實志偉與殼王一向私交甚篤， 01年兩人齊齊搞 Star East，與阿倫及阿叻（陳百祥）都是公司股東。上月無 綫全台影大合照，志偉及阿叻更企正中間位。近日有傳阿叻入無 綫做高層，雖然他最後否認，但阿叻及志偉乃殼王背後軍師，今次志偉走馬上任做劇集監製，亦是殼王悉心安排。
除了戲劇組，最近有傳志偉女兒曾寶儀將加入綜藝科做主持。殼王處處插旗，目的好簡單，就係要完全控制大局。
古仔最後為無綫拍劇，是 01年的《尋秦記》，當年他拍此劇時曾與女主角郭羨妮玩失蹤，因而傳緋聞。
志偉與阿叻猶如殼王左右護法，在無綫影響力不容小覷。
影視兩邊走
受歡迎的台劇都會拍成電影，反而港劇就罕見，早年《俠骨仁心》先拍電影再拍電視算是創先河，而近年的例子有《 Laughing Gor》系列及由綜藝節目改編的《勁抽福祿壽》電影。
《俠骨仁心》
00年，鄧特希先將《俠骨仁心》拍成電影，之後再將後續故事改編成亞視劇集。電影版有梁朝偉及李嘉欣，不過兩人在電視版就冇 咗，改由楊恭如、鍾鎮濤及關詠荷主演。
《俠骨仁心》電視版
《俠骨仁心》電影版
《 Laughing Gor》系列
《學警狙擊》的 Laughing大受歡迎， TVB順勢在 09年將前傳故事改編為《 Laughing Gor之變節》，再在 11年拍成《 Laughing Gor之潛罪犯》兩部電影，除了謝天華外，電影版加入吳鎮宇、黃秋生、陳法拉演出。
《學警狙擊》
《 Laughing Gor之變節》
留言列表
{{ article.title }}
