距離南非世界盃開波不到一個月，是時候計劃睇波攻略。兩間免費電視台只得4場直播賽事，還要在數碼高清台播放，不少商場順勢以免費播足64場賽事作招徠，吸引大班唔想畀錢又想睇波的球迷。今屆世界盃更首次引入立體廣播技術，球迷可以入戲院戴上3D眼鏡睇立體波，世界盃新睇法，各有各選擇。
今屆南非世界盃首次為國際賽事引入立體廣播技術，10個場館中有5個設有立體攝影機，拍攝部分分組賽、8強、準決賽、季軍賽及決賽共25場賽事，香港播放版權已被鐳射娛樂奪得，並打算安排在有播放3D立體電影功能的戲院播出。 據聞香港的6條院線、共36間戲院正向食環署申請播立體波，待該署批出准許證後，即會接受球迷訂票。其實早在年初，英國負責播放英超聯的天空體育，已率先於限定的酒吧作立體試播，對於睇立體波，當地球迷普遍反應不俗，不少觀眾均認為3D技術令球場的深度、球員的質感有明顯提升，尤其是慢鏡重播射門片段，畫面採用對正龍門背後的攝錄角度時，當堂有「個波射埋嚟」的第一身感覺。不過消息指3D世界盃票價會比3D電影略貴，賽事門票初步定價$125，決賽票價則會高達$300。而香港球迷最愛的英格蘭隊，其小組賽卻不被列入3D播放的名單中，想入戲院睇立體朗尼射門，就要期望英格蘭生生性性殺入8強了。 至於打算睇免費波的人，其實也不愁門路，多個大型商場如apm、大埔超級城、奧海城等，都會裝上大型電視免費直播64場賽事；而德福廣場及青衣城，更從日本引入兩組高達200吋的超級豪華全高清巨型LCD液晶體電視屏幕作高清播放，就連房署亦計劃在旗下商場播放揭幕戰、兩場準決賽及決賽4場賽事，若然成事，以商場的人流及就腳程度，肯定可以取代酒吧，成為香港球迷的睇波熱點。 「我自己唔鍾意睇3D波，唔覺得好特別，最多睇一場滿足好奇心。反而上屆世界盃我曾到apm做表演嘉賓兼順便睇波，發覺喺商場睇波氣氛相當不錯，觀眾之多令人意外，不過缺點係要坐定或企定，唔似喺屋企咁隨意。」 「睇波係好動態嘅活動，支持喜愛球隊時難免會叫囂或手舞足蹈，但在戲院咁做會阻礙後排觀眾，坐定定觀賞又落得無癮收場，加上90分鐘戴住立體眼鏡，無論鼻及耳都好攰。反而喺商場睇波都幾好，如此大型的節目應該要與眾同樂，而且幾百人一齊睇波，氣氛肯定高漲。」 「畢竟係第一次有立體世界盃，當然好奇想睇吓跟平面的分別；不過90分鐘嘅賽事跟一齣戲差唔多長，$120入場費都幾貴，又怕戲院多限制，唔似得喺酒吧咁自在。喺商場睇波難免齋企無得坐，而且氣氛無想像中咁熱鬧，始終喺屋企睇比較舒服。」
今屆世界盃部分賽事將採用這款雙鏡頭攝影機進行立體拍攝。
在商場睇波，場面也相當熱鬧。
商場除了播映世界盃賽事，還有不少相應活動搞氣氛。
戲院睇 立體波
商場睇 高清波
李恆匯（球員）
盧均宜（球員）
Elsa（市場部經理）
李恆匯（球員）
Elsa（市場部經理）
盧均宜（球員）
嘩，個波射緊埋嚟喇！（設計對白）
留言列表
{{ article.title }}
