宅男 MV艷福無邊Jessica C.胸壓基仔：好舒服

憑「警鐘胸」上位的混血名模 Jessica C.，近日為古巨基獻出第一次，處女下海擔任他新歌 MV的女主角，當中 Jessica C.毫不吝嗇穿上火紅吊帶裙盡騷胸前事業線，基仔親自執導下要她從後熊抱自己，一幅「警鐘」壓基圖渾然而成，基仔又有機會躺着她的雙髀及輕撫臉龐，盡享溫柔。

其他娛樂名人影片

古巨基日前為即將推出的新碟第一首派台歌《獨男》拍 MV，歌名是形容那些內向、喜歡匿在家中上網打機及沒有女朋友的宅男。

輕撫基仔臉

今次基仔再度為自己的 MV擔任導演，至於女主角，基仔親自請來 Jessica C.演出，基仔解釋：「因為佢係好多男性心目中嘅新一代女神，之前都有睇過佢啲廣告，又試過喺公開場合見到佢，覺得佢好適合呢個角色。」MV的故事講述男主角古巨基只有電腦作伴，他幻想有個關心及了解自己的女神出現，可悲的是當他把電腦關機後，才發現一切都是幻覺。為配合 MV，基仔找來一間特色佈置的家居作拍攝場地，其中一場 Jessica C.要輕撫基仔臉龐，作為導演的基仔更即席示範， Jessica C.笑說：「我好耐冇咁摸男朋友塊面啦！」

放大圖片

有「警鐘胸」之稱的 Jessica C.出動武器胸壓基仔，恨死不少男士。

放大圖片

在 MV中基仔幻想 Jessica C.是心中女神，眼見女神出現忍不住輕撫伊人臉龐。

獻出第一次

另一場景是基仔睡在沙發上， Jessica C.從後熊抱及胸壓基仔，之後她笑說：「好似抱住隻 bear bear熊咁舒服，今次係我第一次同男演員咁親密演出，初時都有啲緊張，好彩基仔都好親切，又帶到我入戲，家我都好有興趣拍戲。」至於基仔和 Jessica C.合作有何感覺？基仔表示：「我嚟到先知佢係第一次拍 MV，我感覺佢十分專業，我滿意佢嘅表現。」撰文：葉雪


古巨基邀請 Jessica C.擔任新歌 MV的女主角，這幕巨胸壓頂夠晒震撼。

JC投基仔懷抱禁室培慾

古巨基（基仔）請得人氣女模Jessica C.（JC）拍新歌MV，處女擔演MV女郎的JC大騷聞名「警鐘胸」，又向基仔投懷送抱，視覺、觸覺受雙重刺激的基仔，難怪笑言拍到「濕晒」。

基仔甜絲絲的瞓在JC的大腿，恨死不少男士。

基仔再自導自演新歌《獨男》MV，演繹隱蔽青年的他，特別請來有「宅男女神」之稱的JC擔任女主角。為令宅男一角演得入型入格，並將宅男的幻想世界實現，和夢想中的性感女神在家中來個「禁室培慾」。

攬得好舒服

首次擔演MV女郎的JC豁出去，身穿超低胸惹火紅裙，大晒宅男朝思暮想的「警鐘胸」，又絕不忸怩和基仔作零距離接觸，兩人逼在一張梳化上，基仔被JC胸貼背的從後攬實，場面浪漫又火辣，而JC抱住基仔時大讚舒服，她說：「好似抱住一隻Bear Bear熊咁。」

二人在梳化上纏綿，場面火辣。

基仔在MV中演繹隱蔽青年。

太投入濕晒

基仔指挑選JC，全因覺得她是很多男性心目中新一代女神，又讚揚對方的演技，笑問基仔可有被「波餅」頂親？他笑說：「我感覺唔到，因為我太投入角色，加上又要兼顧導演工作，好多嘢忙。（有冇拍到濕晒……隻手？）Everytime都濕啦，我對手，係遺傳。」

JC透露首次擔任MV女主角，就可和基仔合作，感覺既開心又緊張，她說：「除咗男朋友外，我第一次同其他男人喺鏡頭前咁親密，我好耐都冇咁樣摸男友塊面啦。」JC又說拍過MV後，對演戲產生興趣。

警鐘胸任枕JC搞濕基仔

警鐘女模Jessica C.為古巨基獻出第一次，擔任他的新歌《獨男》MV女主角。穿上Deep V裙的她拍攝時從後熊抱基仔大送「波餅」，又讓基仔躺在其美腿上，兼有「警鐘胸」作枕，還輕撫他的面頰，她笑說：「我好耐冇咁樣摸男友塊面，初初我都好緊張，因為除咗男友，未試過喺鏡頭前同男仔咁親熱。」

艷福不淺的基仔，以新一代女神來形容Jessica，問到可有被「警鐘胸」頂親？他笑說：「我感覺唔到，因為太投入角色！（有冇拍到濕晒……隻手？）Everytime都濕晒！我對手係遺傳，現場人又多又熱，大家都辛苦。」

基仔躺在Jessica胸前，但因太投入，感受不到「峰」力。