訪問當日，陳君宜將一半手錶帶到公司，有成 60多隻，價值 500多萬。
上流滙
陳君宜 名錶女皇
欣賞名車和靚錶，並非只屬男人專利。開設網上時裝店「 ZEUZ.com」的陳君宜，愛扮靚之餘，更愛賽車、名錶。最近她主攻限量版名錶，一味要夠閃。「以前有買 Dior、 LV嘅錶，但呢類錶唔保值。近年就鍾意去巴黎買錶，因為嗰邊特別多限量版。」
她更將名錶比喻為首飾，她說︰「我覺得女仔戴男裝錶好有型，細錶感覺太女性化。手錶就好似飾物，方便用嚟襯衫。睇時間嘅話，用電話都得啦。」一件飾物閒閒哋幾十萬，咪話唔誇張。
《壹週刊》圖片
7月中，學玩房車賽未夠三個月的陳君宜，膽粗粗飛到馬拉出戰「韓泰盃」。最後連人帶車打空翻， 16萬 Honda DC5房車，撞成廢鐵。
80萬最閃
Franck Muller
限量版黃鑽錶
買入價： 80萬 現價： 83萬
這隻黃鑽錶全球只生產了一百隻，「呢隻係今年生日禮物，雖然咁閃，但襯 casual wear都一樣得，又唔會好似光身錶面咁易花。」
錶底刻上每隻錶的限量號碼，陳君宜的是 28號，獨一無二。
除了整隻錶肉鑲滿鑽石，連錶面及旁邊的計時按鈕都鑲有黃鑽。
40萬或以上
Cartier
Santos 100
鏤空腕錶
買入價:42萬 現價： 52萬
這款 cartier限量版底面都由水晶透明玻璃製造，設計獨特。「呢個款好靚，錶肉用水晶透明玻璃造，睇到錶芯，仲要俾我遇到 28號，即時扑槌。不過隻錶唔好就係錶面光身，容易花。」
每個錶殼均刻有獨立編號，是普通款的十倍價錢。陳君宜擁有的是 28號。
Breguet
12卡鑽石錶
買入價： 46萬 現價： 50萬
陳君宜只有少數女裝款，這款深受歐洲皇室喜愛的鑽石錶，驟眼看似手鐲。「隻錶好有紀念價值，係結婚嗰陣老公送，佢專登搵人訂番嚟襯晚裝！」
20萬至 39萬
Rolex
鑽石面 Daytona
買入價： 29萬 現價： 35萬
Rolex出名保值，陳君宜亦有入貨。「我覺得 Rolex比較長青、保值，好似呢隻 Daytona，幾年前喺巴黎買，兩年間已經升價幾次。」
Audemars Piguet
新加坡 F1限量版
Royal Oak Offshore
Limited edition of 31
買入價： 28萬 現價： 28萬
愛彼錶入門要 6位數字，陳君宜睇中這款全球只得 100隻的新加坡 F1限量版。「不過佢保養都幾貴，試過突然停咗唔郁，拎番原廠整埋單兩萬。」
CHANEL J12
黑色鑽石錶
買入價： 26萬 現價： 30萬
CHANEL J12的陶瓷錶，是不少女士恩物。這款鑲石款，數量極少。「雖然 CHANEL錶唔太保值，但佢呢款錶帶真係好少有，值得入貨。」
HUBLOT
限量版
買入價： 25萬現價： 30萬
瑞士名錶 HUBLOT外形中性。「我膚色較黑，戴白色錶會 sharp啲，呢隻限量版都係喺巴黎買，有好多朋友想買都搵唔番。」
5千樓下
除了幾十萬的限量名錶，陳君宜亦收藏不少玩味重的潮款錶。「價錢唔係最緊要，就算幾百蚊嘅錶都要鍾意先買，粗戴都唔怕。」
WEWOOD
木製錶
$ 1,100
意大利設計的木製錶，隻隻獨一無二，陳君宜貪其外形特別，又夠環保。「呢隻錶係用循環再造木造，好輕身。而且只要買一隻錶，品牌就會喺美國林木協會植樹計劃買一棵樹苗，好有意義。」 
Tendence大面錶
＄ 4,500
錶面特大 Tendence，由瑞士製造，出名浮誇。「呢個牌子係好多年前喺日本發現，依家香港都有得賣。好 colorful，連我老公都鍾意戴。」
限量版吃香
留言列表
{{ article.title }}
