為獎增肥
胡杏兒為角色增肥 45磅，及後又因劇情需要而減肥，成為一時佳話。
當年今周
胡杏兒點估到？
上周三（ 7月 25日），胡杏兒同黃宗澤突然宣布分手。 8年情喎，唔少嘢㗎。大家互相令對方「難頂」，亦互相扶持過，甚至一度傳出婚訊，勢估唔到戀情結束得咁突然！
估唔到嘅事，其實多的是。 2006年 8月第 576期《忽周》報道，當時拍緊《肥田囍事》嘅胡杏兒為贏得「 TVB我最喜愛女主角」殊榮，不惜增肥至 150磅；拍攝一幕泳衣戲時，更不慎走點、露股罅。為藝術犧牲成咁，個個都以為胡杏兒坐定粒六做視后，誰又估到輸咗俾佘詩曼，食白果收場。
不過估到又好，估唔到又好，事過已境遷，舊情亦斬纜。若果都係忘記唔到？唔使驚，問吓強國人或者吳克儉，佢哋應該好有法子幫人洗腦。
檔案編號:第 576期
日期: 11/08/2006
即時遮身
雖則多咗咁多磅肉，但杏兒惜肉如金，每每拍完上水，均第一時間攞毛巾掩實身體。
百密始終有一疏，杏兒被高均賢抱上抱落，搞到泳衣移位走點（上圖），上水時更露埋股罅。
走點露罅
去年台慶恩愛
去年，杏兒憑《怒火街頭》奪得「我最喜愛的電視女角色」，其後以《萬凰之王》封視后，可謂大豐收一年。佢喺台上更向男友黃宗澤發表「難頂宣言」，藉機公開情侶關係。
今年突然分手
估唔到事隔半年左右，兩人 8年情突然結束。胡杏兒於 7月 25日交代事件時，一度哭成淚人。據講，女方因難頂男方花弗偷食而毅然分手，另有指女方搭上台灣小生黃少祺，情變原因眾說紛紜。
全站熱搜
留言列表
{{ article.title }}
