上週六（ 28日）一班港姐喺下榻嘅 Kempinski Hotel進行泰式宮廷裝鬥靚比賽，大熱湯洛雯同姊妹林泳淘雖然打扮得好靚，但因被鬼妹仔李鎂琦結黨杯葛，全程黑晒口面。
FBI File
復仇港姐泰國聯盟
今屆港姐是非未停過，特別係大熱門，即湯鎮業侄女湯洛雯，上月先俾班佳麗篤佢背脊，話佢喺倫敦集訓期間，唔只將啲內衣褲亂咁放，仲明恰同房鬼妹港姐李鎂琦，神憎鬼厭。
上週已進入最後 10強嘅佳麗，又出發到泰國蘇梅同曼谷拍外景，雖然早前湯洛雯同李鎂琦已經解釋話只係一場誤會，大家已冇芥蒂。表面係咁講啫，實情兩個仍然水火不容，上週六（ 28日），班候選港姐喺曼谷拍外景， FBI見到李鎂琦同佢班講英文鬼聲鬼氣嘅「復仇黨員」，好似張名雅、曾明俐等佳麗，唔只全程杯葛湯洛雯，仲不時暗藐，搞到湯洛雯變咗弱勢社群，最後惟有同一樣係是非嘅熱門港姐陳潔玲埋堆。
而呢次泰國之旅，除一班港姐外，亦見到由 P.A.變番做幕前嘅崔建邦隨隊去曼谷，今次邦邦同曾寶儀負責做嘉賓評判兼同班港姐玩遊戲。不過 FBI所見，邦邦唔只個樣殘，仲成個人發脹晒，話晒難得撈番幕前，好心執好自己先啦！
脹爆邦邦
今次崔建邦拍住曾寶儀（左二）做嘉賓評判，只見邦邦唔只樣殘，連肚腩都凸埋出嚟， 33歲已中央肥胖。
鏡頭背後面左左，但去到蘇梅影泳衣相，班港姐即交晒戲，黐到鬼咁埋。
歪面杯葛
李鎂琦搞「復仇者聯盟」，黨員有張名雅（左）、曾明俐（左三）及 黄心穎（左四），雖然同湯洛雯同一場地鬥靚，但見到對方即擰歪面，當對方透明。李美琦喺排練嗰陣仲不時歪嘴，表現唔耐煩。
離晒群
週日（ 29日），一班港姐拍完外景去食飯，李鎂琦（左一）同班好姊妹一路食飯一路影相，玩得好開心，而坐喺佢後面嘅湯洛雯（箭嘴），惟有黐住同樣係是非港姐嘅陳潔玲孤清食飯。
全站熱搜
留言列表
{{ article.title }}
