國內電影市道暢旺，繼永盛電影老闆向華勝復出開戲，三級片鼻祖麥當雄亦告出山。據了解，計劃在內地市場大展拳腳的他，在老柏檔蕭若元重金禮聘下，先為對方投資二千多萬，去年開始籌拍的新版《3D肉蒲團之極樂寶鑑》做監製熱身。
雲南買地搵埋大把
上週四（七月二十二日），黑色暴雨警告訊號取消後，晚上七點半左右，蕭若元父子、麥當雄、黃毓民、梁國雄以及鄭則士夫婦等，陸續到達位於銅鑼灣利園二期的西苑酒家。
當晚是蕭若元六十一歲生日，設宴兩席與一班圈中好友吃飯慶祝，未開席，主人家已滿場飛，頻頻跟一班老友舉杯；而在七十年代開始，跟蕭若元合作無間，執導過不少奇案電影，及由吳啟華和葉子楣主演的經典三級片《玉蒲團之偷情寶鑑》的麥當雄，亦特登由內地趕回來出席壽宴。
「麥當雄冇拍電影之後，返咗內地發展，喺雲南買咗塊地做雲石生意，呢幾年都賺咗唔少，根本就可以退休唔做，不過佢見早排電影巿道復甦，內地巿場又咁有潛力，咪開始心郁郁；佢手頭上已經有個大project搞緊，應該都係佢拿手嘅奇案題材。老蕭（蕭若元）知道佢有搞作，嗰晚打蛇隨棍上，叫佢幫手做《肉蒲團》監製，當係出山前熱身。」知情者透露。
打鄭則士主意
數度換角，《３Ｄ肉蒲團》男主角最終落實由成龍前愛將，中日混血兒葉山豪露股演出，女主角除了來自日本，擁有34E導彈身材的ＡＶ女優原紗央莉及周防玲子外，香港及內地女藝人亦會有份演出，不過，拍板上任做監製的麥當雄，當晚就即場動腦加碼，打同在現場的影帝級鄭則士主意。
「肥Ken（鄭則士）好戲唔使講，嗰晚麥當雄同佢坐埋一張枱，兩個不停密斟，佢叫肥Ken一齊玩，雖然對方冇即刻應承，不過佢哋咁多年冇合作過，肥Ken又知道麥當雄一係唔做，做親一定有回響，所以都心動，諗緊再一齊做番啲嘢。」蕭若元好友說。
影視奇才
現年51歲的麥當雄，出身於麗的電視（亞洲電視前身）。中學畢業後參加電視藝員訓練班，主力幕後。70年代香港電視黃金時期，麥當雄擔任麗的電視監製，與編劇蕭若元合作無間，經典作品包括80年的經典電視長劇《大地恩情》，當年收視率之高，令無綫劇集《輪流傳》播放15集便要腰斬，成為一時佳話。
81年麗的電視宣布賣盤，適逢港產片崛起，麥氏轉投電影界。《靚妹仔》是其監製的首部電影。84年出品的《省港旗兵》更是得意之作，令他贏得台灣金馬獎最佳導演榮譽外，該片05年亦被選為百年內最佳一百部華語電影之一。而由他任編劇的三級色情電影《玉蒲團之偷情寶鑑》，在香港和歐美地區亦廣受歡迎，隨着九十年代中港產片市道不景，麥當雄淡出電影製作，改到內地經商，對上一次監製電影，為梁家輝和劉德華主演的《黑金》。
等睇好戲啦！（設計對白）
有冇我咁激先！（設計對白）
知道有記者在門口守候，蕭若元跟太太及女兒特登企定定任影，反而兒子蕭定一則急步走人，遠離鏡頭。
壽宴中，黃毓民（中）講多過食，蕭若元（左）跟麥當雄（右）唯有暫時做聽眾。
鄭則士跟電影編劇Mark齊齊離開食肆。
電影市道復甦，向華勝早前開拍《唐伯虎點秋香2》，搵來黃曉明及張靜初孭飛，他亦陪住周圍飛出席宣傳活動。
05年，依然是成龍旗下藝人的葉山豪（右一）在電影《寶貝計劃》演出，跟古天樂及盧惠光做對手戲。
日本ＡＶ女優原紗央莉（左）及周防玲子跟葉山豪在戲中有連場床戰。
（《蘋果日報》圖片）
留言列表
{{ article.title }}
