上流滙
通花紅白鬥
李嘉欣夠後生
已為人母的李嘉欣，最鍾意以高貴打扮示人，今次少有地選擇飄逸的白色短裙，感覺女性化得來又夠 young。
Ricky評︰「呢條白色 eyelet（圓孔通窿） dress，剪裁簡單、舒服，高腰傘裙款式，突出腰部線條。視覺上較 Girly，加埋呢個髮型同較清 嘅妝，成個後生 咗。而襯呢對閃令令 嘅鞋，夠晒 fresh，如果襯同 tone嘅鞋反而無咁突出。」
何超雲潮味濃
購自 I.T（讚）
何超雲的衣着受盡外界批評，不過她一於少理，繼續以誇張打扮出動，近期愈 着愈有起色。
Ricky評︰「超雲今次真係襯得好睇，如果淨係 着通花，可能好圓潤，依家配搭多件 喺外面，感覺潮 咗。外面件衫質地較硬，要有肉地先 着到，俾佢諗到裏面襯通花，用唔同物料 match埋一齊，將成個人拉長 咗。」
容祖兒塗改液 feel
（彈）
近期鍾情通花衫的容祖兒，於《翡翠歌星紅白鬥》上，就以全白示人，造型大膽。
Ricky評︰「 Joey呢個一層層 嘅流蘇款有 啲啦啦球 feel，好易 着肥人，好彩佢夠瘦，都幾夏天感覺。不過對白絲襪好蝦人 着，好似髹 咗兩行塗改液咁，唔 着就好好多。」
何倍倩穩陣大方
ZARA（讚）
鍾情粉色系列的恒生新抱何倍倩，今個春夏購入不少通花裙，貪其配襯簡單舒服。
Ricky評︰「好一貫名媛打扮，白色裙穩陣得 嚟又大方得體。妝容清新襯埋長曲髮，有成熟味道，成個 look幾有夏日度假 feel。」
周麗淇紅色潮人
Rohit Gandi+ Rahul Khanna（讚）
身材高䠷的周麗淇，最近曬得一身古銅膚色，以全身紅色 tone配襯 cutout裙，一樣無難度。
Ricky評︰「 Niki呢個 cutout款，成身紅色幾新潮，配埋紅唇、黑眼妝，突出得 嚟又唔太誇張。不過紅色唔係人人 啱襯，好似 Niki少少古銅色就襯到 summer感覺。如果膚色太白，就會俾件衫搶晒，分分鐘變 咗利是封。」
陳法拉型唔起
Juicy Couture（彈）
陳法拉衣着打扮一向麻麻，早輪出席時裝活動，她大膽配搭反而弄巧成拙。
Ricky評︰「法拉件人手鈎嘅通花衫好靚，不過佢裏面襯件 shocking pink好怪，仲要戴條鏈，感覺好多嘢。裙款又顯得佢下身好闊，加埋對完全唔 match嘅鞋，要型又型唔起。配搭由頭錯到落腳，明顯未到家。」
何志恩腳變短
Louis Vuitton（彈）
時裝設計師何志恩，出名前衞，每季的潮物，亦不難於她身上找到。
Ricky評︰「呢條裙都 ok嘅，不過襯呢對鞋就麻麻 哋。因為佢本身唔高， 着呢個長度 嘅裙已經令對腳變短，加上領位好高又見唔到膊頭，再配對咁多嘢 嘅鞋，比例唔係咁 啱，襯對簡單鞋款會好睇 啲。」
另類透花
夏日炎炎， 着衫最緊要涼爽，今季時裝界除了有各大小的通花盛開，一樣涼浸浸的透花亦大行其道。
樂基兒肉 bra出事
Emilio Pucci（彈）
甚少露面的樂基兒，一出活動就出動透視裙，由背透到落股罅，不過個肉色 bra先最搶鏡。
Ricky評︰「 Gaile本身夠瘦夠高，實 carry到呢條裙，襯埋長直企理髮型，感覺成熟誘人。不過一轉身，個肉色 bra好搶眼，成個感覺怪晒。既然想性感，都透到落 patpat，就應該做得好 啲，轉戴 pad，唔好透個 bra出 嚟。」
大花易 cheap
今季有不少大牌都推出通花，當中以 Valentino最為出色。除了長青的通花連身裙，今季亦有不少外套、短褲及頸巾等。 Ricky說︰「一到夏天都會興通花，呢類衫好有復古味道，不過露肉較多，容易顯得肥。想易 handle，可以揀細件嘢，好似頸巾咁，通花同喱士一樣，最好揀細花，密度夠高之餘，手工亦要細緻，大花容易俾人感覺 cheap。至於打底方面，要襯近似顏色，千祈唔好五顏六色咁驚嚇。雖然夏天好興呢類衫，不過太有度假感覺，切忌 着返工，好唔端莊。」
星級形象指導郭慶彬（ Ricky Kwok）曾與樂基兒、熊黛林等藝人合作。近年更由形象指導變身為潮店老闆，於銅鑼灣開設時裝店 LAYETTE，專售英國及日本潮牌。 
Valentino
Valentino
留言列表
{{ article.title }}
