溫馨鬆筋
入到羽毛球場，黎諾懿即做熱身運動，其女友 Nicole亦出手相助，不過似幫男友鬆骨多啲 。
大封面
楊怡轉嗒羅仲謙 黎諾懿即溝億萬富家女
04年訓練班出身的黎諾懿，在無綫浮沉八年，演技雖然未受肯定，但在圈內甚有女人緣， 冧女技巧早被認同。楊怡、蒙嘉慧、傅穎及陳庭欣等統統和他傳過緋聞，更被指靠黐姐仔上位。
去年初，黎諾懿被拍到經常出入楊怡將軍澳中心香閨，車位共用，三年地下情終曝光。不過，去年 6月楊怡拍《 On Call 36小時》搭上羅仲謙，黎諾懿極速被飛。
據知黎諾懿被楊怡狠飛後，化情傷為力量，好快就溝掂 07年落選港姐、家族經營美容生意的億萬富家女李潔瑩（ Nicole）。上周本刊一連兩日影到黎諾懿甜蜜拍拖，事後他更向記者直認戀情，仲自爆有意與女友拉埋天窗。黎諾懿愈溝愈富貴，睇 嚟塞翁失馬，焉知非福！
黎諾懿熱戀億萬富家女
黎諾懿憑住貌似陳百強的俊朗外形，最近成功由無綫二三線小生，擔正處境劇《愛•回家》做男主角。加入 TVB八年的他，雖然演技麻麻，但人緣甚佳，尤其與女演員關係特別好。 08年開始，黎諾懿便與楊怡傳緋聞，至去年他到楊怡將軍澳寓所短敍斷正，其間更使用楊怡的泊車卡，共用女方車位。當時楊怡已是 TVB一線花旦，賺錢能力比男友高，故楊怡被指包養黎諾懿。
7月 3日收工會女友
上周二（ 3日）晚上 10時許，黎諾懿拍完處境劇《愛•回家》，即換上運動裝，駕着 15萬的豐田座駕趕去將軍澳運動場會女友。
黎諾懿拉筋非常認真， Nicole仲成個人 瞓晒身用力。
現場男女分兩邊對打，打羽毛球多年的黎諾懿當然有板有眼。難為平時唔多做運動的 Nicole，睇佢雙手揸拍打波，就知佢唔多在行。
暗角拖手
步出運動場去停車場攞車，黎諾懿見現場環境暗黑，即輕拖 Nicole手，不過只維持了 2分鐘，兩人見有途人即甩開手。
王君馨做媒
可惜三年戀情終於因 40吋巨胸羅仲謙出現而結束。去年 6月，楊怡與大隻謙拍劇集《 On Call 36小時》時撻 着，楊怡（最終）狠飛黎諾懿。被飛當然唔好受，黎諾懿失戀後，好友王君馨便積極為他做媒。據知情人士透露，「王君馨介紹 咗同屆 嘅落選港姐 Nicole俾黎諾懿，最初都係大班人見面，之後佢 哋開始自己來往。 Nicole開頭冇提及自己家底，想試吓個男仔係咪真心。聽講佢兩個一拍即合，黎諾懿好識女友，一放工就帶佢去食好 嘢。 Nicole亦會配合男友，佢平時唔鍾意做運動，但都會照陪黎諾懿打羽毛球。佢 哋放假仲會去外地旅行拍拖 㖭！」
早前黎諾懿向傳媒露口風有位圈外女友，還大讚對方：「佢好好，好斯文，性格亦好好，呢 啲都係講緣份。」上周二（ 3日）晚上 10時，黎諾懿拍完《愛•回家》廠景，即駕車到將軍澳運動場打羽毛球。當時已有大班朋友在場等他，其中一名樣貌清秀，身材瘦削的女子，更即場幫黎諾懿推背鬆筋，她正是黎口中所指的圈外女友 Nicole。
09年拍拖斷正
09年，黎諾懿成功追到楊怡，兩人外出斷正，楊怡即耷頭以電話遮面，非常尷尬。《壹週刊》圖片
轉嗒大隻謙
去年 11月，楊怡被指撇黎諾懿轉嗒羅仲謙，最近兩人已發展到在女方將軍澳中心寓所同居。《 FACE》圖片
放工急拍拖
現場所見，黎諾懿開完工已很累，但見到女友即時笑得開懷，熱身後更像運動員上身一樣充滿衝勁。打完羽毛球，大夥兒到附近食糖水，之後黎諾懿駕車載女友離開，向自己西貢寓所進發。
翌日（ 4日），黎諾懿照常開工，收工後又約了女友拍拖。今次兩人在公眾場所顯然有所避忌，一人一車前後腳到觀塘 apm睇戲。當日 Nicole明顯悉心打扮，相比打波素顏 look美艷得多。
當晚 Nicole駕駛過百萬平治跑車，記者翻查運輸署資料，發現跑車的登記車主是一間名為「奧華美容有限公司」，公司旗下擁有 18間美容院，而 Nicole更在公司內任總經理一職。據知 Nicole父親李志強是隱形富豪，身家以億計算，家族生意除美容院外，更有投資及貿易等生意。
拍拖一年的黎諾懿與 Nicole，仍處於熱戀階段。上周二打完羽毛球，翌日黎諾懿又係一放工就趕去觀塘 apm拍拖，泊車後還四處張望。
7月 4日鬼祟睇戲
原來 Nicole一早已買定戲飛，在戲院門口坐定定等黎諾懿。當日 Nicole悉心打扮，長髮、長腿加標致五官，都幾省鏡 㗎！
結婚會用自己錢
對於女友是億萬富家女，黎諾懿本周三（ 11日）下午在電視城開工前，接受本刊訪問，心情大靚，一臉春風。不過一提舊愛楊怡，即頗為避忌。
記：記者黎：黎諾懿
記：我 哋影到你拍拖？
黎：影到 啲咩？攞 嚟睇吓。（記者遞上兩人打羽毛球的合照。）哦！呢個係我女朋友 Nicole。
記：拍 咗幾耐？
黎：都拍 咗一年，一齊好開心，一切順其自然。
記：有冇打算結婚？
黎：我哋就快 㗎喇！都見 咗家長。
記：你女友屋企好有錢喎。
黎：呢 啲唔關事，如果結婚我一定會用自
己錢，做男人要有能力有承擔。
記：係咪有晒 planning？
黎：婚後暫時唔會要小朋友住，不過意外好難講。
記：同事有冇見過你女友？
黎：《愛•回家》啲同事都同佢食過飯。
記：咁楊怡呢？
黎：呢啲唔好講嘞，我同佢依然係好朋友。
黎諾懿講起女友 Nicole即笑晒，就連雙方家長都見埋，仲諗埋結婚生仔，看來應該打風都打唔甩。相比起與楊怡拍拖時，月薪得二萬多元，現時黎諾懿的收入已經有大躍進。據知他擔正《愛•回家》男主角，一集酬勞有一萬，全劇共 180集，他已穩袋 180萬。
至於去年偷嗒大隻謙狠撇黎諾懿的楊怡，得悉舊愛有拖拍，亦鬆一口氣。本周二晚（ 10日）楊怡說：「我唔知佢拍拖呀！我當然會祝福佢啦！佢有拖拍我都好開心。」冇 咗楊怡，但識到個索爆富家女，黎諾懿執到寶，相信他都會好好珍惜。
大方祝福
周二晚（ 10日），楊怡入廠拍《法網狙擊》，對於黎諾懿有新歡，她邊睇相邊大方回應：「我會祝福佢！」
唔知佢拍拖！（真實對白）
認係知己
因為拍劇與黎諾懿成日出雙入對的莊思明，強調兩人是一對好知己，仲話一早知道佢有女朋友。
笑認戀情
得悉與女友拍拖斷正，黎諾懿笑住承認戀情，仲自爆有意成家立室。情場得意的他，最近又擔正《愛•回家》，一臉春風得意。
我哋就快結婚！（真實對白）
被指靠黐博上位
06年爆出鄭伊健與蒙嘉慧拍拖，有傳黎諾懿是兩人的媒人。當年傳媒追訪伊健戀情，不時影到三人行，黎諾懿更被指攝石人，靠黐蒙嘉慧增加曝光率。
落選港姐唔憂米
黎諾懿呢位索女友李潔瑩（ Nicole）大有來頭，畢業於澳洲新南威爾斯大學， 07年返港參選港姐，以 34C激凸身材打入決賽，當年三甲是張嘉兒、王君馨及周美欣。落選翌年她加入父親李志強投資的奧華美容公司任職總經理，打理旗下儷凝美聚纖體美容中心共 18間分店。
有一胞兄的李潔瑩，家住 4千萬的紅磡豪宅海名軒，其父李志強除持有市值逾 2千萬的君頤峰物業外，還擁有 21間私人公司。近年他投資買賣多處港九、新界的商業用地，至少賺數千萬。現時仍持有逾千八萬位於九龍城獅子石道的物業、過千萬的柴灣工廠大廈單位以及超過 2千萬的西環舖位等。保守估計，其家族擁有逾 5億身家。
當年選港姐， Nicole雖然唔係大熱，但其均勻身材及有米家底，亦令她受到注目。
08年 Nicole打理的美容院開分店，她邀請了好姊妹周美欣（左）及王君馨（右）做剪綵嘉賓。
Nicole做埋公司模特兒，為美容院的產品賣廣告。
Nicole家中有多部名車，胞兄揸波子，她就揸過百萬的 C63平治跑車。
家族擁有的奧華美容公司分店達 18間，大本營則位於觀塘。
微博唔提男友
黎諾懿聲稱與 Nicole拍拖一年，雙方已達談婚論嫁階段，雖然雙方在微博都有互相關注，但兩人從來都不會在微博有交流。 Nicole不時上載與好姊妹周美欣及王君馨的合照，但男友照片一張都冇，更加隻字不提，可見兩人對拍拖一事非常低調。
姊妹情
07年參選港姐後， Nicole與同屆的周美欣及王君馨變成好姊妹，每年生日及大時大節，三人都會一齊過。
避影男友
上周二（ 3日）， Nicole與黎諾懿去打羽毛球，當晚她亦有 post相上微博，不過得個羽毛球場，冇黎諾懿 㗎！
莊思明微博傳情
有傳正在拍《愛•回家》的黎諾懿，與劇中飾演 OL的莊思明行得好埋。早前本刊發現兩人在電視城撐 枱腳，莊思明不時對住男方搔首弄姿。看來名草有主的黎諾懿，依然好有女人緣。
莊思明經常把與黎諾懿的自拍照放上微博，日前她更寫下一段非常感性的說話。睇 嚟佢真係被情所困喎！
姐仔觀音兵
曾被蘇民峰批甚有桃花運的黎諾懿，入行 8年緋聞都唔少，與他合作過的都會變成知己，更被指專黐當紅花旦、靠女上位。
陪傅穎買男底
《壹週刊》圖片
03年拍《戀愛自由式》與傅穎成好友，經常出雙入對， Theresa更曾在黎諾懿面前買男裝底褲。
打波姊弟情
黎諾懿與蒙嘉慧屬同一經理人，混熟後兩人以姊弟相稱，不時相約打羽毛球，黎的人氣亦因而上升不少。
快溝陳庭欣
去年 3月，首次合作的黎諾懿與陳庭欣到番禺拍旅遊推廣節目，返港不久即被發現雙雙到赤柱撐 枱腳和海邊漫步，但他們否認拍拖。
被楊怡包起
前年楊怡突患怪病，拍《真相》時發現頸梗兼口齒不清，幸得黎諾懿細心照顧。剛與肥仔男友藍偉傑分手的楊怡終被感動，兩人火速同居。不過這段姊弟戀女尊男卑，更有報道指楊怡包養黎諾懿。
黎諾懿苦追楊怡 3年才得手， 09年被影到與楊母外出，被指行外母政策。《壹週刊》圖片
留言列表
{{ article.title }}
