誠信值幾錢先？（設計對白）
官恩娜未有正面回答本刊過橋抽板簽約華納一事，不過即晚卻在微博大呼寃枉，死口唔認有做過。
娛聞樂
懶理 BMA鬧爆冇誠信 官恩娜攝位做華納一姐
官恩娜（ Ella）年初先主動向 BMA撈，口頭承諾加盟，得 BMA老闆羅傑承拍心口，幫她與其舊公司 Boombeat Music提早解約，並成功追討 200萬拖數。
不過，官恩娜及後被指過橋抽板，利用完 BMA撇甩舊公司後，卻轉軚簽華納。她除了因為貪多一百萬轉會費外，更因為收到風，得悉薛凱琪（ Fiona）將過檔跟黃柏高（ Paco），一心以為可以攝位做華納一姐。
BMA高層忍唔住鬧爆：「對冇誠信 嘅人，唔合作唔係我 哋損失！」但官恩娜擺到明打完齋唔要和尚，一於義氣當兒嬉！
據知今年年初，官恩娜已經四出向唱片公司問價求轉會，當時她與 Boombeat尚有一年合約，不少公司都向她壓價，只有 BMA開出 3年 4百萬的過檔費。 Ella當然心郁，更打蛇隨棍上，表示只要 BMA幫她與 Boombeat提早解約，就會簽約 BMA。
山水有相逢！（設計對白）
羅傑承出錢出力幫官恩娜打甩舊公司份約，最後卻俾人起飛腳，唔嬲就假。
微博呼寃
5百萬簽華納
BMA老闆羅傑承即時做 嘢，找律師幫 Ella搞解約，最後成功解約之餘，更為官恩娜討回 200萬欠款。但 Ella卻未有履行承諾，不停採取拖字訣，一時話「拍《雷霆掃毒》拍到好忙」，一時話「拍完劇去旅行鬆吓，去完旅行會帶埋律師 嚟簽約」。之後卻一個屈尾十，以 5百萬 3年簽華納。據知 BMA得悉後，將之前幫官恩娜解約的數十萬律師費的清單，發還給官恩娜， Ella亦認衰自己負責。
錢銀轇轕搞掂，但官恩娜出爾反爾兼過橋抽板，卻辣 㷫 BMA老闆羅傑承。其董事總經理陳志昂代為回應時，寸爆 Ella冇誠信：「我 哋同官恩娜傾得八八九九。（羅傑承幫佢同 Boombeat解約？）佢問過我 哋，我 哋有俾意見佢。（但佢依家簽咗華納？）都有聽過，件事真係好突然。（有人過橋抽板？）對冇誠信 嘅人，唔合作唔係我 哋損失！」
問官恩娜是否 BMA幫她提早解約，她答非所問：「約滿後同好多公司都傾過，多謝佢 哋俾機會我 喺呢行發展。（ BMA寸爆你冇誠信，講 咗唔算數！）最後合作唔到 嘅公司，我 哋關係都好好，有商有量！（係咪簽 咗華納， 5百萬 3年？）現階段唔方便講，總之好快會公布。」至於華納總經理 Gordon則表示：「有潛質 嘅歌手我 哋都有興趣，依家好多 嘢都未落實，唔方便講！」
華納為咗留住薛凱琪，在 7月 7日及 8日，幫佢喺紅館開咗兩場處女個唱。至於「準一姐」官恩娜雖然未正式過檔，亦到場為華納撐場。
收風薛凱琪離巢
據知樂易玲聽聞 Ella簽四大唱片之一的華納，亦有微言。華納與無綫版權問題依然拉鋸中，故 9月尾出街，由林峯及 Ella擔正的《雷霆掃毒》，身為女主角的 Ella，亦被飛出所有宣傳活動。
官恩娜之所以飛起 BMA改簽華納，完全經過計算。 Ella睇準華納是國際公司，加上有傳華納一姐薛凱琪將離開跟黃柏高搵食， Ella心想可以攝位做「一姐」；再者，華納的轉會費的確比 BMA多一百萬，思前想後，終於扑槌簽華納。
良禽擇木而棲，面懵心精的官恩娜，今次無懼得罪 BMA，誓做華納一姐，如意算盤打得好響。
由 04年至今， Boombeat都是官恩娜的唱片公司及經理人公司，但去年官恩娜推出第五張專輯《 Take a Shine to……》，是官恩娜和 Boombeat最後一次合作。
撈極唔起
纖體大戰，亦唔少得身材好嘅 Ella。 07年，她就為「 1定瘦」拍火辣瘦身廣告。
官恩娜 00年以演員及模特兒身份入行，同年在電影《 I Do戀性世代》有性感演出， 04年推出首張個人大碟。入行 12年， Ella都是花邊新聞纏身，事業成績乏善足陳。
爆戀情
05年初， Ella與吳卓羲因拍攝《酒店風雲》而傳緋聞，兩人一直不承認戀情，更扮反面。 06年，本刊踢爆兩人同居，但吳卓羲竟快閃逃離現場，留下 Ella獨自強顏歡笑面對記者。
地獄廚神
06年，官恩娜參加《美女廚房》，由於食物唔熟兼難食，獲得「地獄廚神」的稱號； 09年再參賽，以 69分脫離「地獄廚神」行列。
一曲翻身
Ella的歌唱事業一直未見起色，直至 09年她於《超級巨聲》中和參賽者林志程高歌〈 Endless Love〉，被評審雷頌德讚唱歌好聽，唱功才得到公認。
留言列表
{{ article.title }}
