劉華的「獨華主義」很重，就算與李曉嵐合作拍攝了三天，但最終還是決定唔俾她出正面，只可出現側面甫士。

話晒事

劉德華幫「道地」做了十二年代言人，每次拍廣告，從來冇女主角。新一輯廣告玩破格，冇老虎企鵝長頸鹿，反而有個紅裙女子過鏡。據知，廣告中的女子原本同劉華一齊有樣睇，但廣告出街前，劉華突然表態，話唔想對方個樣出街，堅持「獨華主義」！

內地見樣版
李曉嵐在港版廣告冇得見樣，詐型後，在內地版的廣告中，成功爭取出鏡權。

臨時唔出樣
劉德華與「道地」綠茶○○年開始合作，平均一年拍兩個廣告，雙方合作十二年，關係保持良好。「每次拍新廣告前，個客都會先問吓華仔意見，睇佢有乜主意，之前幾次同動物拍檔，華仔係想大自然感覺重啲。今次嘅極品十八茶系列，個客搵咗個女仔出鏡，點知到廣告出街前，華仔嗰邊先講話唔想對方見到正面，所以得番大側面。」工作人員透露。

有錢氣質女
今次廣告女主角人選，事前在北京公開招募挑選。「導演見過好多模特兒，都冇一個啱心水，後來喺北京搞咗個招募女主角活動，喺幾千人入面揀中咗李曉嵐，佢係北京舞蹈學院嘅學生，二十一歲，個樣又有氣質，係富二代，屋企有啲背景又有錢。佢開咗幾日工，點知到最後，華仔一句話唔想出佢個正面樣，就cut淨大側面。」

內地版有樣睇
因為與品牌長期合作，關係密切，劉華就同其他荷李活一級巨星一樣，擁有最終話事權。「華仔做咗呢個品牌代言人咁耐，每次推出新產品都賣得，個客自然任佢舞。佢想點就點，連發相都要先經佢過目，其實個女仔嗰邊都詐晒型，始終佢屋企人喺北京有啲影響力，所以內地版本就保留番李曉嵐個樣，只係香港版本冇佢正面樣，當係一人讓一步囉。」知情者說。 劉華與廣告商合作十二年，拍過多個飲品廣告，不愛廣告中有女伴出現，反而愛與獸為伴。 ####


華仔最近因《桃姐》一片而人氣急升，加上六月將做爸爸，心情大靚。


來自北京的李曉嵐樣貌甜美，在幾千人的招募活動中脫穎而出，與天王劉華拍廣告。


Chok住坐牦牛


舞草龍


與小朋友搶波仔


與小黑羊深情對望


露點與老虎BB同坐


與企鵝在綠草為伴


餵長頸鹿

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄