楊采妮同郭富城合作拍廣告出道，當年喺台灣亦簽埋同一間公司，老友初做導演，梗要幫手。

星期一（十六日），楊采妮執導嘅新戲《聖誕玫瑰》舉行開鏡記者會，廿年戰友郭富城減片酬埋位做男主角，徐克幫手做監製，仲有內地影帝夏雨、秦海璐、台灣桂綸鎂同廖啟智等好戲之人合作。


二五話Charlie呢部處女作籌備咗好多年，最初因為故事主角背景係妓女，仲係真人真事，大陸過唔到骨，一直冇老細肯投資，幾經修改，Charlie度掂咗個劇本，徐克又幫佢搭路，搵到保利博納願意投資，先圓到呢個導演夢。仲有，二五話劇本入面有好多關於法律法庭嘅橋，都係Charlie男友邱韶智俾意見，律師度法庭橋，郭富城實唔會輸俾Law霸鄭嘉穎。 ####


無論以前嘅《梁祝》、《花月佳期》，定係較後期嘅《七劍》，徐克一直視楊采妮為愛將，今次落場做監製，仲搵埋夏雨幫手埋位。


智叔、秦海璐同桂綸鎂中港台三地好戲之人合作，同為楊采妮出力。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄