23歲DaDa陳靜前年開始加入寫真戰場,由百果園E神到攻日行Tokyo Girls Collection騷。雖然已上位,但今年繼續狙擊宅男銀包,除咗出書,更會出碟同埋3D寫真DVD,實行聲畫夾擊。
人多勢眾
除咗DaDa出寫真日記,其餘6位師妹亦分別推出寫真。件件上圍最少有C cup,其中最搶有E級超蓮Iris(鍾采羲),仲有住凱旋門嘅富模Monna林宜芝。宅男要儲齊,筆數都幾襟計!
最西化 34E Iris鍾采羲
寫真喺澳門、香港取景。Iris:「我本寫真最西化,好似外國啲fashion雜誌咁,有啲相未必見到樣㗎,但又睇到我身材。」
最繽紛 33D Monna林宜芝
寫真同樣在澳門、香港取景,但就比較colorful,她說:「我本寫真色彩最鮮艷,造型以唔同顏色為主。」
玩熟女 32C Cherry小櫻
本身喺上海做model,身材高䠷,玩fashion路綫,她說:「我走熟女路綫,當然亦會性感啦!」
走日系 32C Moka方媛
Moka亦係上海model,由於似日模,寫真亦走日系路綫,她說:「有人話我似深田恭子同Leah Dizon,希望宅男鍾意我啦!」兩個都out咗喎!
參戰Mia:有信心引死宅男!
Mia最近上圍突然升cup,佢就堅持純天然效果,絕不會隆胸喎!今次為本刊影相亦唔錫身,瞓落青苔都冇詐型,認真專業。
爭崩頭
DaDa同一眾師妹出7本書,除咗佢哋之外,仲有其他模一齊出書爭飯食,Phoebe許穎仲話係終極性感。夏天咁多模睇,唔使掛住班盛女咁悶啦!
李蘊
上兩年都出過寫真嘅李蘊,今年再迎戰。她說:「我冇人身材咁勁,不過我賣清純、甜美性感。原本去泰國,但驚海嘯,所以家去韓國。」
Phoebe 許穎
上年有米原康正幫手,今年會出寫真兼做歌手。她說:「呢本係我最後寫真,一定會激過上年!同埋6月會出碟,我會親自作歌作詞。」
Donut
上年喺宿霧取景,今年暫定喺三亞,隊長Rainbow:「今年連埋我有6個女仔,我會做埋styling。我哋咩類型都有,有碧波盪漾,有可愛清純,宅男實鍾意!」
Cammi 謝芷蕙
暫定馬來西亞取景,Cammi說:「泳衣一定唔少得,寫真入面仲會寫吓我嘅感想,希望人哋了解我多啲,不過關於陳生嘅嘢就唔會講喇!」
王璐瑤
曾經同謝天華傳過緋聞嘅王璐瑤,今年亦會首次出寫真,她說:「我個唇夠厚,個樣又夠wild,會出一本幾激嘅寫真,有啲形象仲幾SM!」 ####
DaDa今年推出日記式寫真概念,有成10個唔同造型,加埋下星期出發到馬爾代夫影相,令人期待。
DaDa參考的佐佐木希日記寫真,書中仲有唔少化妝品介紹,DaDa嗰本又會點呢?
身為兩子之母嘅Mia,雖然正為寫真同《喜愛夜蒲2》忙碌,不過亦會抽時間陪兩個小朋友。她說:「我上星期先同佢哋去迪士尼!」
留言列表