趁住《春嬌》個勢,令王馨平翻hit,唔少人上YouTube搵番佢啲歌,加上〈別問我是誰〉熱推,王馨平踏上紅館有望。
上年係寶麗金(環球唱片前身)40周年,當年的「寶記小花」黎瑞恩在去年尾吹雞搞飯局,仲提議要搞個「寶記重組」演唱會,但係在座的周慧敏、王馨平、關淑怡和黎瑞恩亦已經冇唱片公司合約在身,搞騷惟有靠自己。
寶記復活騷
周慧敏、關淑怡的金曲盡在寶麗金,據知兩人已答應為周年騷表演,相信有一定叫座力。
余文樂扮女人翻拍〈別問我是誰〉MV,YouTube 2星期已有40幾萬點擊率,帶紅王馨平首舊作。
小花變師奶
93年王馨平加盟寶麗金,當時與劉小慧、黎瑞恩、湯寶如有「寶麗金四小花」之稱,除咗王馨平;3朵小花已經做咗阿媽,其實,Linda上年都自爆試過人工受孕,可惜最終唔成功。
劉小慧
當年劉小慧清純形象風靡不少宅男,有「學生情人」之稱,一曲〈初戀情人〉更是成名作。27歲,劉小慧宣布懷有蘇志威骨肉,兩人奉子成婚,現育有2個女兒。
湯寶如
湯寶如因與張學友合唱〈相思風雨中〉而走紅,07年被傳媒發現秘密懷孕,而BB的父親是其賽車手男友Sam Chan,同年9月誕下一男嬰。
黎瑞恩
小恩子的〈一人有一個夢想〉唱到街知巷聞,息影之後,小恩子與曾憲梓三兒子曾智明結婚,現育有一子一女。02年,小恩子首次在紅館舉行個唱《黎瑞恩夢成真演唱會》,有傳是老公幕後支持。 ####
出錢投資上年10月,黎瑞恩搞寶記聚會,鄭中基、關淑怡、王馨平、湯寶如、周慧敏都有到場,順便傾搞周年騷計劃。
老豆王羽一向火氣猛,公開鬧鄭嘉穎冇出息,又叮囑女兒不要跟前男友糾纏不清。王馨平週日出席金像獎,全程做乖乖女扶實兼睇實老豆,唔畀佢亂講嘢。
雖然王馨平於《春嬌與志明》只有分幾鐘戲,但〈別問我是誰〉就翻hit,人氣急升!
譚詠麟譚詠麟係寶麗金台柱,小恩子當然有聯絡校長,個騷搞得成,寶記班歌手陳曉東、陳慧嫻隨時出現。
寶麗金96年曾搞25周年騷,仲錄咗首〈為全世界歌唱〉做演唱會主題曲,當年有黎明、張學友、周慧敏,仲有吳君如。《壹週刊》圖片
留言列表