出事後CoCo即刻執行李飛上海夾實喺當地拍劇嘅大孖,以為箍得掂男友,點知轉頭就收到大孖(英文名Adrian)嘅要脅SMS(小圖),唔心淡就假!
憑《超級巨聲》上位的「大孖」周志文,拍《名媛望族》期間搭上同劇演員馬賽,女方貼埋油錢車大孖返工放工,更車對方到自己香閨過夜斷正,親密程度似拍拖多過拍劇。
上馬賽屋企斷正,大孖事後與正印CoCo食飯補鑊,但當本刊記者拎出食「賽」鐵證,大孖即心虛避鏡,CoCo就嬲到冇晒表情。
拍《名媛望族》期間,大孖同馬賽假戲真做,結果俾同劇老戲骨韓馬利踢爆,收工後繼續喺電視城拖手。
本刊上月影到馬賽(左)載大孖(右)到將軍澳買水後直奔返家,證據確鑿,但兩人均擘大眼否認。
速食陳庭欣有傳大孖上年拍旅遊節目《新美麗新加坡》時,睇中24歲的2010年港姐冠軍陳庭欣,兩人撻着後交往了一段日子,但最後不了了之。
暗交莊思明同樣因拍旅遊節目認識港姐莊思明,上年1月被影到孖住行街睇戲,大孖更贊助莊思明的《東華》表演,但事後女方表明抗拒姊弟戀,擺明唔吼花心仔。
留言列表