「32F」黃婉曼喺金像獎谷到盡，企直個人已甚具睇頭。入到場仲𠌥晒身，成為全場焦點。
28歲黃婉曼雖然有「32F」愛美神身材，不過一向鍾意收埋，更曾經表示：「作為女性袒胸露背係羞恥嘅事。」所以女神即使離開TVB，都只係騷少少，唔益街坊。
Baby唔合格
首次做司儀嘅Angelababy相當緊張，唔單只連咬字都唔正，仲經常被其他主持曾志偉同曾寶儀等搶嘢講，Baby只係戇居居企喺度陪笑，引嚟唔少網民喺微博批評。
舒 淇 有特色
呢隻顏色其實唔係好啱東方人着，會好易娘，但舒淇駕馭得好好，簡單得嚟有特色，show到佢成個身形！ •Giorgio Armani晚裝 •Cindy Chao首飾
連詩雅 識撞色
佢嘅高度好適合着呢類裙，不過我覺得最搶眼係佢對鞋，用藍色撞白色好有潮流感，唔係個個夠膽咁樣撞色！ •Hugo Boss晚裝
楊 冪 太貼身
條裙嘅設計本身好新穎好簡潔，但楊冪身材太出眾，唔係好適合着呢種貼身彈性料，上圍太突出，搞到腰位唔夠貼！ •內地設計師南玉 •伯爵首飾
陳嘉桓 腰位怪
粉紅色夠young好襯佢，但條裙嘅魚尾設計太女人，Rose咁後生應該要着得公主同青春少少！同埋條腰個接駁位好怪，加條幼腰帶會好好多！ •Dorian Ho晚裝 •金至尊首飾
除咗鬥演技，金像獎更係一眾女星鬥靚戰場。冇得攞影后唔緊要，舒淇靠靚衫攞最佳衣着，不過唔係個個女星都好似舒淇咁識着衫，形象指導Nel Nel（張學潤）狠批當晚唔少女星都揀錯衫，自暴其短。 ####
除咗驕人上圍，黃婉曼亦有由周大福贊助300萬鑽飾行頭，並且有一個保鑣跟身，不過唔及佢心口嘅5吋事業線搶鏡啲。
黃婉曼上年着Ted Baker晚裝，雖然唔算保守，與今年露出5吋事業線的確差好遠。
盧覓雪嘅一句話令黃婉曼開竅。下年如果黃婉曼再出席金像獎，唔知會唔會有禮貌啲！
黃婉曼憑無綫天氣報告，一吓跳出香港紅起，令一眾網友對佢身材好奇。之後黃婉曼相當密實，就算家過咗檔now做一姐主持《撳錢》（上圖），依然唔騷身材。
廣告時段桂綸鎂口渴飲水，被大哥望到。仲打算向身後兩行嘅佢借水飲。最奇怪係前一行「最佳導演」得主許鞍華一樣有水飲，咁方便點解大哥唔問許鞍華攞呢？
難得大哥唔嫌自己口水尾，桂綸鎂將飲過嘅水遞畀大哥，隻手仲跨過華仔身後。
狂睇貓紙着住Elie Saab晚裝但全冇星味的Baby除咗連廣東話都未講得正，仲不斷睇貓紙，表現得相當緊張。
金像騷後唔少網民喺微博留言，大彈Baby唔掂。 着住Elie Saab晚裝但全冇星味的Baby除咗連廣東話都未講得正，仲不斷睇貓紙，表現得相當緊張。
岳少先去完寰亞慶功，之後帶埋舒淇、劉偉強去九龍城出席《那些年》慶功，柯震東經理人柴智屏（左一）亦識做，送岳少上車。
《那些年》一眾導演、演員去九龍城唐朝火鍋館。原來女神同男神次次來香港都一定到上址打邊爐，粉絲以後唔使四圍摷喇。
留言列表
{{ article.title }}
