同情敵陳芷尤（左）拍埋一齊又唱又跳，蔡慧欣即發功，俯身谷胸，露出4吋深坑，即時贏晒。

喺《五覺大戰》玩飄移玩到出晒名嘅34D神獸蔡慧欣，最近唔只成為高登女神，連出名溝女無數嘅金剛都睇中佢，不過最近就傳出佢同另一位「神獸」姊妹陳芷尤（）一齊爭金剛，搞出「三角大戰」。


難得同金剛緋聞好似連續劇咁有娛樂性，上週五（6日）錄影《五覺大戰》時，FBI即捉住蔡慧欣問清楚，佢就懶委屈：「金剛平時鍾意買嘢畀我食，但冇約過我，唔覺得佢追我。我唔需要爭，唔需要讓。我呢排無人陪。」臨尾仲讚金剛唔係報道所寫咁花心。不過FBI發現，當晚蔡慧欣同其他「神獸」錄影時不斷出招，恃住有34D巨咪，不斷踎低又𠌥低身擺甫士，點會唔搶鏡？身材冇佢咁勁嘅情敵，就咁俾佢K.O.咗！金剛有乜辦法唔俾佢「夾」走呀？ ####


跳完舞擺end pose，蔡慧欣自願踎低，但因踎咗好耐，起身時要旁邊姊妹扶住先企到起身。


俾女夾當金剛被要求同「爭仔」女主角蔡慧欣及陳芷尤合照時，鬼咁尷尬，之後攞陳芷尤講笑：「你乘虛而入咩！」嚟打圓場。


做串星當拍完戲，大隊行返去廠車時，只見行前嘅蔡慧欣叉住腰講電話，十足大家姐。


蔡慧欣識利用緋聞同身材爭鋒頭，最近仲拍埋徐遇安監製新處境劇《愛．回家》，套劇主角係黎諾懿，蔡慧欣就飾演一名模，劇中照樣騷身材，34D巨咪用到盡。上月尾（29日），《愛．回家》喺山頂拍外景，當日蔡慧欣被賊搶嘢，要出動黎諾懿同劉丹追賊。


DaDa唔埋堆當晚《五覺大戰》，林夏薇、郭少芸同DaDa一齊做嘉賓，埋位前坐前排嘅郭秀雲只同林夏薇傾偈，留低DaDa自己一個坐後面，孤清咗啲喎！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄