唔夠一個月就復出幕前，仲做緊P.A.嘅崔建邦，仍未修身，成個肚突晒出嚟，完全睇唔出佢係打西洋拳出身喎。

不離不棄

因醉駕及涉打女友被無綫炒魷的崔建邦，上年5月開始被TVB安排到戲劇部做P.A.（助理編導）。 由幾萬元一騷的金牌司儀變成月入9千的P.A.可謂人生谷底，直至最近捱足一年的「PA邦」終於被無綫重召做番幕前。加上恩師陳志雲臨走前再幫崔建邦一把，托孤樂易玲畀個機會契仔，「PA邦」下月強勢回歸，翻生再做「親生仔」跟TVB簽長達5年經理人合約。谷底翻身，崔建邦感恩：「我會珍惜呢次機會。」


32歲崔建邦原本順利上位，但自從前年涉嫌毆打當時女友「中巴」（鄺敏慧）及醉駕事件後，形象直插谷底，更被無綫解約，之後淪落到要在TVB撈P.A.，捱更抵夜擔擔抬抬。做P.A.近一年，好彩崔建邦得TVB前總經理陳志雲相助，離職前再幫崔建邦一把，交帶高層樂易玲要好好「照顧」崔建邦，令崔建邦下月正式回歸，更做回親生仔簽經理人約5年，人工加倍，唔使再捱。

半島飯局
上月，崔建邦被發現同陳志雲喺半島今佐日本料理食飯。據目擊者透露，喺同一餐廳食緊飯嘅劉皇發「發叔」都有過枱傾偈，不過崔建邦話發叔只係過枱傾咗一陣，絕對唔係「江湖飯局」。

「首先要減肥！」
能夠谷底反彈，全靠恩師志雲不離不棄。上月便有人目擊崔建邦同陳志雲到半島酒店的今佐日本料理食晚飯，有「新界王」之稱的劉皇發議員當晚更現身餐廳，跟二人雞啄唔斷。下月正式回歸，崔建邦現為處境劇《愛•回家》開工，上週六（7日）到九龍城取景，雖然下月可以身光頸靚，不過崔建邦都無hea住做。對於跟恩師半島飯局，崔建邦表示，只係朋友聚會：「其實我同Stephen（陳志雲）不嬲都有食吓飯，傾吓偈，發叔係坐隔籬枱咋！唔關事。（係咪同TVB簽番5年經理人約？）差唔多啦，人工都好好，不過暫時未知有咩工作住，但我會好珍惜呢次機會。我首先要減肥先，我肥咗好多！」

爭飯食
TVB司儀人才少，所以崔建邦一直深受重用，可惜佢轉做P.A.期間，令其他男主持有機上位。崔建邦今次復出，睇怕要加倍努力先得。

阿Bob《登登登對》
阿Bob由J2《Big Boys Club》做到翡翠台有節目孭飛。

金剛、糖妹《勁歌金曲》
金剛亦借勢彈起，頂替崔建邦做《勁歌》主持。

陳奐仁《香港先生》
連陳奐仁都可以拍住Do姐做《香港先生》司儀。 ####


樂易玲


上週六（7日）崔建邦為《愛．回家》拍最後一日外景，雖然有助手幫手，不過邦邦都無hea ，喺現場擔擔抬抬。抵讚！


崔建邦低潮時，女友唐詩詠仍然不離不棄，今年2月，更被影到一齊食飯，同場仲有最近轉做wedding planner的梁靖琪，因此傳出二人秘密搞結婚。《壹週刊》圖片


今年勁歌總選，做緊P.A.嘅崔建邦突然獲徵召做司儀，據知表現甚得高層樂易玲及新上任的綜藝話事人余詠珊滿意，復出過關。


崔建邦陳志雲劉皇發



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄