娛樂八掛大放送★

電戲道：葉德嫻、張家輝呼救港片

那些年，我們一起追看港產片的日子，實在令人懷念。台風襲港，除了珍珠奶茶攻陷香港，連台式青春片《那些年，我們一起追的女孩》也擊倒了我們的周星馳，《功夫》穩守多年的華語片票房冠軍寶座都要拱手相讓，七料影帝張家輝經過理性分析後得出結果是：「 Timing問題。」威尼斯影后葉德嫻卻老實不客氣說：「我好少睇港產片！我買飛入場睇戲，要時間又要使錢，梗係要有得着，唔好睇我做乜睇。」精闢獨到，相信你都想給個 like她。此時此刻，引用蔡楓華的金句「剎那光輝不代表永恆」，香港電影仍須努力！撰文：楊潔雯

憑《証人》做了七料影帝的張家輝遇上憑《桃姐》橫掃國際頒獎禮的威尼斯影后葉德嫻（ Deanie），今次不是閒話家常，話題是香港電影的未來，所以喜歡嬉皮笑臉的張家輝都認真起來，認真的 Deanie姐繼續認真。一切由熱爆香港的台灣電影《那些年，我們一起追的女孩》開始， Deanie姐表示沒看過《那些年》，她強調買了正版 DVD，看了《那些年》的製作特輯，認定它不是那杯茶，她劈頭第一句說：「以為收入好就當係一部好電影，我唔認為。你估《紅樓夢》好賣定係《龍虎豹》好賣？」對坐的家輝接棒說：「梗係《龍虎豹》啦！近期有本《熱狗》。」之後大家就好似看到一個全壘打一樣，嘻哈大叫！ Deanie姐清一清喉嚨說：「 Actually，咁你係咪話《龍虎豹》係好，唔係好收就係蓬勃，我就覺得要分得清楚少少。」

放大圖片

葉德嫻去年榮膺威尼斯影后，港人與有榮焉。　資料圖片

放大圖片

張家輝憑《証人》成為七料影帝，當中包括台灣金馬獎。　資料圖片

遺忘了的題材

張家輝也不是因為想睇《那些年》才買飛入場，他說：「我要留意個市場，所以我不斷睇戲，呢部係我其中一部有睇嘅戲。」他認為《那些年》成功只是時間造就，他說：「嗰種學生年代情懷，觸動到好多觀眾，呢樣嘢都無可厚非，我唔係同香港人補飛，其實我覺得呢類型嘅戲喺香港 80年代打後都有製作過，《那些年》同《作死不離 3兄弟》可能係我哋已經遺忘咗呢種題材，亦唔覺得可以賣錢，唔覺得商業上有價值。若果《作死不離 3兄弟》唔係印度人係香港演員又有冇人睇呢？《那些年》呢種學生情懷電影，唔係台灣人飲呢啖湯，香港又有冇人願意開呢？以上題材香港一定做到，呢個關乎利益問題同市場問題。」《桃姐》在港未上畫，在外國參展已橫掃大獎， Deanie姐始料不及。載譽而歸，觀眾引頸以待，票房肯定有保證，家輝說：「正如《桃姐》家梗係話好喇！當初唔見有人話爭住要投資或者支持你要搞到幾大，又係時代轉變，令到大家有好多角度上遺忘同遺棄。」凝神對望家輝的 Deanie姐，點頭偷笑。

放大圖片

Deanie姐拍戲有所堅持，認真的她仍嫌自己不夠認真。

放大圖片

家輝為配合角色付出一切，直達忘我境界。

市場細制肘多

演員和投資者的想法永遠背道而馳， Deanie姐補飛說：「投資者角度同價值觀唔同，佢哋認為一係要行紅地氈，一係就要大收，都唔會理係乜戲，好多時就係咁。我哋作為演員係唯美少少，理想少少，投資者就想攞刀仔鋸棵大樹，總之冇錢乜都唔得，我哋就只可以努力，但唔一定成功，不過唔努力就一定唔會成功。」港產片一蹶不振，與市場有莫大關係， Deanie姐一語中的：「香港幾多百萬人呀！又係個市場問題，你有個題材都冇能力支持住個題材，外國已經唔會買你嘅戲，啲戲係賤， market細有題材都拍唔到，投資者會覺得危險，如果你講出嚟俾人打一鑊先，然後俾人用粗口鬧。」

抱怨港府漠視

政府漠視香港電影工業也是其中一個影響港產片質素的原因， Deanie姐越講越有火，還即場辣埋對面的張家輝，她說：「喺香港拍戲好多制肘，你話《大追捕》唔係張家輝做，若果有場戲要喺機場拍，係冇得拍㗎！根本冇錢，但係個編劇明明話嗰場戲係男女主角要喺機場 say goodbye，縮吓縮吓求其搵個地方，又冇人收陀地拍咗佢算，都係 goodbye，咁咪完全將佢扭曲咗，冇咗個應有嘅效果。」

為新戲　悉心打造角色

威尼斯影后葉德嫻和七料影帝張家輝，為港片增光，卻不能令它起死回生，不過他們對這個夢工場，仍然充滿期望。《桃姐》和《大追捕》均於本月上映，從他們的電影，相信大家可感受到他們對電影工作的熱誠。

桃姐從衣着入手 放大圖片

在《大追捕》中，家輝減磅扮重犯，外形已夠嚇人。

橫掃多個大獎，《桃姐》先聲奪人，昨日的因，是今日的果。 Deanie姐說：「我呢個年紀，冇乜角色可以揀，但我都有我堅持，當日 Ann（許鞍華）搵人相我睇我係咪癲，我睇完分場覺得部戲好法國，之後要睇個導演同我得唔得，考慮一個月先接。」Deanie姐認真，她認為吸煙危害健康，三步內聞到身邊人有煙味，她會破口大罵，更何況是對電影的堅持，她說：「認真冇錯，認真係樂事，我希望人教我點樣再認真啲，我就係咁。」為了電影，她除到訪兩名退休長居老人院的媽姐外，桃姐的造型她也給予很多意見，她說：「衣着好代表一個人，我接觸過好多媽姐，知道佢哋着衫個袖，條褲都唔會長，係唔方便做嘢。同埋化妝髮型，我都會畀意見，會話畀佢哋知我梳乜嘢頭會後生咗，盡量配合桃姐呢個人。」七料影帝，是實力的證明，不過張家輝未敢滿足現狀，他願意接受更多挑戰，試鍊演技。《大追捕》入面，他演囚禁 20年後出獄的強姦犯，為了強化角色說服力，他接受地獄式訓練：「今次劇本有空間畀我創作一個角色形象，我用咗半年減到一百零幾磅，每日食唔人道嘅食物，冇鹽冇油冇澱粉質，一三五做器械，二四六跑步。」

張家輝喪跑減磅 放大圖片

葉德嫻和劉德華合作無間，在《桃姐》中也默契十足。

家輝續說：「記得過年年初二我由銅鑼灣跑返去薄扶林，經過見到我嘅人都會以為我係儍，中間諗過放棄，其實瘦唔難，要瘦又要大隻先係難，所以最開心係堅持到最後，達到理想效果。係一個嚇到人嘅效果，佢瘦到好似病，眼神又有少少飄忽，好似有暴力傾向嘅危險人物。」能夠得到電影的最高榮譽，葉德嫻和家輝認真的態度，堅強的信念，相信就是成功的鑰匙。


提到香港電影，葉德嫻和張家輝均認為香港市場細，制肘又多是致命傷。
攝影：陳志嵐